باب :جن تجارتوں سے ممانعت کی گئی - مرآۃ المناجیح شرح مشکوٰۃ المصابیح - حدیث نمبر: 2845

جو چیز ناپ تول سے خریدی جائے اس کا تولنا ناپنا مشتری کا قبضہ ہوتا ہے۔یکتالہلفظیستوفیہکی تفسیر ہے مگر جو چیز اندازًا فروخت و خرید کی جائے جیسے دانہ کے ڈھیر کی تجارت وہاں ناپ تول ضروری نہیں۔وہ جو حدیث شریف میں ہے کہ غلے کی بیع جائز نہیں جب تک کہ تاجر خریدار دونوں کے وزن علیحدہ علیحدہ نہ ہوجائیں یعنی تاجر بھی تول لے اور خریدار الگ تول لے وہاں وہ صورت مراد ہے جہاں دو بیع جمع ہوں جیسے بیع سلم میں تاجرکسی سے غلہ خریدے اور سلم کے خریدار سے کہے کہ تو اس پر قبضہ کر تو اب ایک بار وہ تولے جس نے مسلم الیہ یعنی بائع کو غلہ دیا اور دوبارہ رب السلم یعنی خریدار تو لے،عام بیعوں میں صرف ایک تول ہی کافی ہے جیسا کہ اس حدیث سے معلوم ہوا لہذا یہ حدیث اس دوبار تول کی حدیث کے خلاف نہیں۔(مرقات)