باب : میت پر رونے کابیان - مرآۃ المناجیح شرح مشکوٰۃ المصابیح - حدیث نمبر: 1735

۱∞؎فوت شدہ چھوٹے بچوں کو فرط اس لیئے فرمایا کہ وہ اپنے صابر ماں باپ کو جنت پہنچائے گا،نیز وہ آگے پہنچ کر اس کے اجر کا باعث بنتا ہے۔فرط کےمعنی پہلے ہوچکے وہ پیش رو جماعت جومنزل پرقافلہ سے آگے پہنچے اورتمام چیزوں کا انتظام کرے۔اس حدیث کے معنی یہ نہیں ہیں کہ ایسے صابر کا فرط میں نہیں صرف بچے ہی ہیں،بلکہ مطلب یہ ہے کہ ایسے صابر کا فرط بچے بھی ہیں میں بھی اور دوسروں کا فرط میں ہی ہوں۔سُبْحَانَ اللّٰهِ !کیسی امید افزاءحدیث ہے۔۲؎یعنی میری امت کے لیئے جیسی مصیبت اور تکلیف کاباعث میری وفات ہے ایسی انہیں کوئی مصیبت نہیں اور یہ حقیقت بھی ہے جن لوگوں نےحضورصلی الله علیہ وسلم کی وفات دیکھی ان پر جو مصیبت پڑی وہ تو وہی جان سکتے ہیں۔آج جس وقت حضورصلی الله علیہ وسلم یاد آتے ہیں تو عاشقوں کے کلیجے پھٹ جاتے ہیں۔مدینہ منورہ سے چلتے وقت زائرین کا جو حال ہوتا ہے وہ نہ پوچھو،مدینہ کے در و دیوار کا فراق ستاتاہے۔میں نے مسجد نبوی شریف کی چوکھٹ سے لپٹ کر لوگوں کو روتے دیکھا ہے۔بدن سے جان نکلتی ہے آہ سینہ سے تیرے فدائی نکلتے ہیں جب مدینہ سے
فقیر نے تیسرے حج پر رخصت کے وقت مدینہ کے درو دیوار سے عرض کیا تھا۔جا رہا ہے اب ہمارا قافلہ اے در و دیوار شہرِ مصطفی
یاد تیری جس گھڑی بھی آئے گی ہے یقین دل کو بہت تڑپائے گی
غرض یہ حدیث بالکل حق اور صحیح ہے حضور صلی الله علیہ وسلم کا فراق ساری امت کے لیئے مصیبت عظمٰی ہے۔یہ قصیدہ وداعیہ فقیر کی کتاب "دیوان سالک"میں دیکھئے۔