باب : میت پر رونے کابیان - مرآۃ المناجیح شرح مشکوٰۃ المصابیح - حدیث نمبر: 1726

۱∞؎آپ کا نام عامر ابن عبد الله ابن قیس ہے،تابعین میں سے ہیں اورعبدالله ابن قیس یعنی ابوموسیٰ اشعری کے فرزند ہیں،حضرت علی کی طرف سے قاضی شریح کے بعد کوفہ کے قاضی رہے،پھر حجاج نے آپ کو معزول کیا۔۲؎رَنّةٌعربی میں رونے کی کانپتی آواز کو کہتے ہیں۔۳؎یعنی میں تمہیں ہمیشہ یہ حدیث سناتا رہا تم میرے جیتے جی ہی بھول گئیں۔اس سے معلوم ہورہا ہے کہ عرب میں بھی کسی کی موت پر سر منڈانے کا رواج تھا جیسے ہمارے ہاں ہندو سر،ڈاڑھی اورمونچھیں سب منڈوا دیتے ہیں جسے بھدرا کہتے ہیں،مگر مرد منڈاتے ہیں عورتیں نہیں یہ بھی بے حیائی کی علامت ہے۔خیال رہے کہ صحابہ کرام ایسی حالت میں تبلیغ اور اپنے بال بچوں کی اصلاح سے غافل نہیں رہتے تھے۔