باب:شکار اور ذبیحوں کا بیان - مرآۃ المناجیح شرح مشکوٰۃ المصابیح - حدیث نمبر: 4095

۱∞؎آپ کا نام حارث ابن عوف ہے،ابو واقد کنیت ہے،قبیلہ بنی لیث سے ہیں،قدیم الاسلام ہیں،بدر میں حاضر ہوئے،بعد میں مکہ معظمہ رہے،وہاں ہی ۶۸ھ؁ ∞ ارسٹھ میں وفات پائی،پچھتر سال عمر ہوئی۔
۲؎یعنی بقدر ضرورت زندہ اونٹ زندہ بکری کے اعضاء کاٹ کر کھالیتے جانور اسی طرح چیختا رہتا تھا۔مہینوں تک اس کے اعضاء کاٹ کاٹ کر کھاتے رہتے وہ زندہ تڑپتا رہتا،جو قوم اپنی بچیوں کو اپنے ہاتھ سے زندہ دفن کردیتے اس سے یہ کام کیا بعید ہے۔
۳؎یعنی زندہ جانور کا جو عضو کٹ جاوے وہ مردار ہے،اس کا کھانا حرام ہے لہذا اگر شکار کو نیزہ یاتیر مارا جس سے اس کا ہاتھ یاپاؤں کٹ کر الگ ہوگیا پھر اسے ذبح کیاگیا تو وہ کٹا ہوا پاؤں حرام ہے باقی حلال۔بعض لوگ زندہ دنبہ کی چکی سے چربی نکال لیتے ہیں وہ چربی کھانا بھی حرام ہے۔خیال رہے کہ یہ حدیث اعضاء جانور کے کھانے کے متعلق ہے۔زندہ بھیڑ کی اون،زندہ ہاتھی کے کاٹے ہوئے دانت کا استعمال حلال ہے اور زندہ جانور کے پیٹ سے نکالا ہوا بچہ جو پیٹ چاک کرکے نکالا جائے اور ہو مردہ وہ کھانا حرام ہے۔