باب:شکار اور ذبیحوں کا بیان - مرآۃ المناجیح شرح مشکوٰۃ المصابیح - حدیث نمبر: 4094

۱∞؎حلال جانور کے شکار کا حق ہےاسے شکار کرکے کھانا،اگرکھانا مقصود نہ ہو محض تفریح اور وقت گزاری کے لیے شکار کرے تو آخرت میں پکڑ ہے۔حرام جانور کے شکار کا مقصود یا اس کی کھال و بال سے نفع حاصل کرنا یا اس تکلیف سے خلق کوبچانا جیسے جنگلی سؤروں کا شکار کہ یہ دفع شر کے لیے بھی ہے اور ان کے اجزاء سے نفع لینے کے لیے بھی۔چنانچہ ہاتھی کی ہڈی،دانت وغیرہ بہت کام میں آتی ہے ایسے ہی شیرو چیتے کی کھال چربی مختلف طرح استعمال کی جاتی ہے۔یہاں حلال جانوروں کے شکار کا ذکر ہے لہذا حدیث سے یہ لازم نہیں کہ حرام جانوروں کا شکارکرنا حرام ہے کہ وہ کھائے نہیں جاتے، یہ تحقیق خیال میں رہے۔
۲؎اس حدیث کی بناء پر علماء فرماتے ہیں کہ حلال جانوروں کاشکار صرف کھانے کےلئے کیاجائے اور وہ ضرورکھالیا جائے۔(مرقات)یہ حکم شکار کے لیے ہے قربانی میں مقصود گوشت نہیں ہوتا صرف خون بہاکر رب کو راضی کرنا ہوتاہے۔لہذا مکہ معظمہ میں جو ہزارہا زیادہ قربانیاں غار میں گاڑھ دی جاتی ہیں بالکل جائز ہے کہ وہاں مقصود حاصل ہوگیا خون بہانا۔اس حدیث سے یہ بھی معلوم ہوا کہ شکار کا جانور اگر زندہ مل جائے تو اسے ذبح ہی کرنا پڑے گا بغیر ذبح حلال نہ ہوگا۔