باب: کمائی کرنا اور حلال روزی تلاش کرنا - مرآۃ المناجیح شرح مشکوٰۃ المصابیح - حدیث نمبر: 2780

۱∞؎یعنی گانے بجانے کا پیشہ کرنے والی لونڈیوں کو نچانے اور گانے کے لیے نہ خریدو نہ فروخت کرو،اگر یہ نیت نہ ہو بلکہ ان سے دوسری خدمت لینے کا ارادہ ہو تو ان کا خریدنا جائز بلکہ بہتر ہے کہ وہ اس ذریعہ سے توبہ کرلیں گے۔
۲؎یعنی لونڈیوں کو گانے بجانے کی تعلیم دینا حرام ہے۔اس سے وہ لوگ عبرت پکڑیں جو اپنی لڑکیوں کو کالجوں و اسکولوں میں گانے کی تعلیم دلواتے ہیں،رب تعالٰی اس زمانہ کی شر سے مسلمان کو بچائے،یہ گانے زنا کے پیش خیمے ہیں،جب زنا حرام ہے تو اس کے اسباب بھی حرام ہیں۔
۳؎اگر یہ حدیث صحیح بھی ہو تب بھی اس سے مراد قیمت کی کراہیت ہے جب کہ اسے گانے بجانے کے لیے فروخت کیا ہو،اس کے ہاتھ جو ان سے یہ پیشہ کرائے جیسے شراب بنانے والے کے ہاتھ انگور کی بیع کو بعض علماء منع کرتے ہیں کہ یہ گناہ پر امداد ہے ورنہ گانے والی کی نہ قیمت حرام ہے نہ ان کی بیع۔(مرقات)
۴؎یہ آیت کریمہ نضر ابن حارث کے متعلق نازل ہوئی جو گانے والی لونڈیاں اور عجمی قصے کہانیوں کے ناول خرید کر مسلمانوں میں رائج کرنا چاہتا تھا تاکہ مسلمان ان گانوں اور قصوں میں پھنس کر اسلامی تعلیم سے یکسر علیحدہ ہوجائیں،اور کہتا تھا کہ محمد مصطفےٰ صلی اللّٰہ علیہ و سلم تو تمہیں عاد و ثمود کے قصے سناتے ہیں میں تمہیں رستم و اسفند یار کی کہانیاں سناتا ہوں۔لہوالحدیثمیں اضافہمنتبعیضیہ کی ہےیامنتبعیضیہ کی حدیث سے مراد بات ہے تومنتبعیضیہ ہے اور اگر مطلقًا کلام یا کام ہے تومنتبیینیہہے جو کام یا کلام نفع سے خالی ہو یعنی عبث و بیکار ہو یا مضر ہو یا دین سے روکے وہ سب لہو ہے،گانا بجانا لغو قصے کہانیاں،نماز کے وقت تجارت میں مشغولیت سب کچھ لہو ہے۔
۵؎آئمہ حدیث نے جیسے امام احمد،یحیی،ابوزرعہ،نسائی وغیرہ نے علی ابن یزید کو ضعیف فرمایا۔شیخ نے اشعہ اللمعات میں فرمایا کہ حرمت غنا یعنی گانے بجانے کی حرمت میں کی احادیث ضعیف ہیں اس بارے میں کوئی حدیث صحیح نہیں ملی۔فقیر کہتا ہے کہ اگر اس بارے میں کوئی حدیث صحیح نہ ملے جب بھی قرآن کریم کی آیت کافی ہے،نیز احادیث ضعیفہ متعدد ہو کر حسن بن جاتی ہے۔