باب: کمائی کرنا اور حلال روزی تلاش کرنا - مرآۃ المناجیح شرح مشکوٰۃ المصابیح - حدیث نمبر: 2779

۱∞؎صحیح یہ ہے کہ یہ لفظزمارہہے،پہلےزنقطے والی،بعد میںربغیر نقطے کی،زمرسے مشتق ہے بمعنی گانا ازار لہرانا،اسی لیے باجہ کو زمار کہتے ہیں،جمع مزامیر یعنی حضور انور نے گانے بجانے کی اجرت لینے اور دینے سے منع فرمایا۔اس سے مراد ناجائز گانے ہیں جیسے رنڈیوں کنجریوں کے گیت نعت خوانوں کو اجرت یا ہدیہ دیا جائے وہ اس حکم سے خارج ہے۔کتے کی قیمت کی تحقیق پہلے کی جاچکی ہے کہ اس کی حرمت منسوخ ہے یا اس سے دیوانہ یا بے کار کتا مراد ہے جو مال نہیں جیسے گندا انڈا۔گانے کے متعلق تحقیق یہ ہے کہ حرام گانے اور باجوں کی اجرت حرام ہے،جائز کی جائز،شادی بیاہ میں دف بجانے کی اجرت جائز ہے کہ یہ دف جائز ہے،کھیل کود کے باجوں کی اجرت ناجائز ہے کہ یہ باجے ناجائز ہیں،طبل غازی،دف شادی،اعلان چاند و اعلان افطار وغیرہ کے نقارے تمام جائز ہیں،نعت خوان بعض صورتوں میں خاص صوفیاء کے لیے خاص قوالی جائز ہے،ان کی اجرت جائز،آج کل عمومًا قوالیاں حرام ہیں۔جائز و ناجائز قوالی کی بحث ہماری کتاب "جاءالحق"حصہ اول میں دیکھئے اور شامیباب الکراھیتمیں مطالعہ فرمایئے،نیز تفسیر احمدی وغیرہ میں ملاحظہ کیجئے۔