باب: میراث کے حصّے - مرآۃ المناجیح شرح مشکوٰۃ المصابیح - حدیث نمبر: 3051

۱∞؎آپ کثیر ابن عبداللّٰهابن عمرو ابن عوف مزنی مدنی ہیں،تبع تابعین میں سے ہیں مگر کثیر کو اشعہ میں ضعیف متروک الحدیث فرمایا،کثیر کے والد عبداللّٰهتابعی ہیں اور دادا عمرو ابن عوف صحابی۔
۲؎غلام کی وراثت کا ذکر تو پہلے ہوچکا۔حلیف سے مراد مولی موالات ہے جس سے میت نے زندگی میں معاہدہ کیا ہو کہ تو میرا وارث اور میں تیرا وارث جو پہلے مرے اس کا مال دوسرا لے،اسے بھی بعض صورتوں میں میراث مل جاتی ہے جب کہ اس کے اوپر وارثین موجود نہ ہوں۔اس کی مکمل بحث"علم المیراث"میں ملاحظہ فرمایئے۔
۳؎بھانجہ ذی رحم وارث ہے اور ذی رحم کو بھی میراث مل جاتی ہے جب کہ ذی عصبہ وغیرہ اوپر کے وارث نہ ہوں،ہم ذی رحم کی تعداد پہلے بیان کرچکے ہیں۔