باب:سود کا باب - مرآۃ المناجیح شرح مشکوٰۃ المصابیح - حدیث نمبر: 2815

۱∞؎حقیقتًا یہ بھاگا ہوا غلام تھا اس کا مقصود تھا مولٰی سے نجات پانا مگر ظاہر یہ کیا کہ مؤمن ہوں مہاجر بن کر آپ کے پاس رہنا چاہتا ہوں،حضور انور نے بھی اس کی تحقیق نہ فرمائی اور اس سے ہجرت پر بیعت لے لی۔خیال رہے کہ اگرچہ اللّٰه تعالٰی نے اپنے محبوب صلی اللّٰہ علیہ و سلم کو ہر کھلے چھپے کی اطلاع دی ہے مگر علم کا ہر وقت حضور ضروری نہیں،حافظ کو سارا قرآن یاد ہوتا ہے مگر ہر لفظ ہر وقت سامنے نہیں رہتا لہذا اس سے حضور کی بے علمی ثابت کرنا حماقت ہے۔
۲؎اس سے دو مسئلے معلوم ہوئے:ایک یہ کہ غلام مولٰی کی بغیر اجازت ہجرت نہیں کرسکتا۔ دوسرے یہ کہ بیعت فسخ نہیں ہوسکتی کہ حضور نے اسے خرید لیا مگر اس کی بیعت فسخ نہ کی۔تیسرے یہ کہ غیر سودی مال میں زیادتی کمی جائز ہے۔چنانچہ ایک بکری دو کے عوض فروخت کرسکتے ہیں کیونکہ حیوان سودی مال نہیں کہ یہ نہ کیلی ہے نہ وزنی،ہاں حیوان کی حیوان سے ادھار بیع ناجائز ہے،حضرت رافع ابن خدیج نے ایک اونٹ دو کے عوض بیچا۔