باب: مکہ کا داخلہ اور طواف - مرآۃ المناجیح شرح مشکوٰۃ المصابیح - حدیث نمبر: 2588

۱∞؎بیماری سے وہ مرض مراد ہے جس میں چلنا پھرنا اور طواف دشوار ہوجائے اور سواری سے ڈولی پر سواری مراد ہے جسے لوگ اپنے کندھوں پر اٹھا کر مریض کو طواف کرادیں نہ کہ جانور پرسواری،جانور پر طواف کرنا حضور صلی اللّٰہ علیہ وسلم کی خصوصیات سے ہے ہم کو حرم شریف میں جانور لے جانا جائز نہیں۔لوگوں کے پیچھے کی قید اس زمانہ کے لحاظ سے ہے کہ اس وقت مسجد حرام اتنی ہی بڑی تھی جتنا اب مطاف ہے(طواف کی جگہ)اب جب کہ مسجد چوطرفہ بہت دور تک پھیل گئی ہے تو صرف جماعت کے وقت مطاف میں نماز ہوتی ہے اس کے بعد پورا مطاف طواف والوں کے لیے خالی کردیا جاتا ہے اور وہ لوگ باقی حصوں میں نماز پڑھتے رہتے ہیں،وہاں نمازی کے آگے سے گزرنا جائز ہے۔
۲؎یہ نماز فجر تھی،چونکہ حضرت ام سلمہ فجر پڑھ چکی تھیں اور بعد فجر نفل جائز نہیں اس لیے آپ اس وقت طواف کرتی ہیں۔غالب یہ ہے کہ حضور انور صلی اللّٰہ علیہ وسلم نے دونوں رکعتوں میں سورتوالطورپڑھی۔