باب: مکہ کا داخلہ اور طواف - مرآۃ المناجیح شرح مشکوٰۃ المصابیح - حدیث نمبر: 2583

۱∞؎آپ قدیم الاسلام صحابی ہیں،ضعفاء مکہ معظمہ سے تھے اس لیے وہاں سے ہجرت نہ کرسکے۔(اشعہ)
۲؎یہ سعی حجۃ الوداع کی سعی نہیں بلکہ کسی عمرہ کی سعی ہے اور حضور انور صلی اللّٰہ علیہ و سلم کا سواری پرسعی کرنا کسی سخت مجبوری یا بیماری کی وجہ سے ہے لہذا یہ حدیث گزشتہ اس حدیث کے خلاف نہیں کہ حضور انور کا تہبند شریف زیادہ تیز دوڑنے کی وجہ سے گھوم رہا تھا کہ یہ واقعہ حجۃ الوداع کا ہے۔
۳؎اس میں ان امراء و سلاطین پرطعن ہے جو سعی میں راستہ خالی کراتے تھے یا ہٹو بچو کہتے تھے،چاہیے یہ کہ امیر و فقیر ایک ساتھ سعی کر یں،وہاں ہٹو بچو کیسی،موت،نماز،حج و عمرہ دنیاوی فرق مٹاتے ہیں۔