باب: مکہ کا داخلہ اور طواف - مرآۃ المناجیح شرح مشکوٰۃ المصابیح - حدیث نمبر: 2587

۱∞؎یعنی طواف کے کسی چکر میں اس کا بوسہ نہ چھوڑا موقعہ ہوا تو منہ لگا کر چوما،ورنہ ہاتھ لگا کر اور اگر نہ بن پڑا تو اشارہ کرکے۔اس سے معلوم ہوا کہ رکن عراقی و شامی کو نہ چوما جائے گا،یہ بھی معلوم ہوا کہ کسی سنت پر ہمیشگی کرنا برا نہیں۔بیہقی میں ہے کہ حضرت عبد اللّٰه ابن عباس نے سنگ اسود کو چوما بھی اور اس پر سجدہ بھی کیا اور فرمایا کہ میں نے حضرت عمر رضی اللّٰہ تعالٰی عنہ کو سنگ اسود پر سجدہ کرتے دیکھا،جناب عمر فرماتے ہیں کہ میں نے حضور کو اس پر سجدہ کرتے دیکھا،حاکم نے باسناد صحیح حضرت عبداللّٰه ابن عمر سے روایت کی کہ آپ نے سنگ اسود پر پیشانی رکھ کر سجدہ کیا لہذا امام مالک کا یہ فرمانا کہ اس پر سجدہ کرنا بدعت ہے درست نہیں۔(مرقات) ان روایات سے وہ لوگ عبرت پکڑیں جو کہتے ہیں کہ حضرت فاروق اعظم سنگ اسود کے بوسہ سے ناراض تھے۔