باب:ارکان حج - مرآۃ المناجیح شرح مشکوٰۃ المصابیح - حدیث نمبر: 2512

۱∞؎یعنی وہ بہن حج نذر ادا کیے بغیر مر گئی،کیا میں اس کی طرف سے حج کروں یا کسی سے کرادوں۔غالبًا یہ شخص اس بہن کے مال کا وارث ہوا تھا۔
۲؎امام شافعی کے ہاں میت کا حج فرض اصل مال سے کرایا جائے گا کہ حج ایک قسم کا قرض ہےاور قرض میراث پر مقدم ہوتا ہے۔ ہمارے امام صاحب کے ہاں اگر میت حج بدل کرانے کی وصیت کر گیا ہے تو تہائی مال سے حج کرایا جائے گا۔غرضکہ امام شافعی کے ہاں میت کے ذمہ کا حج قرض کی طرح ہے اور ہمارے ہاں وصیت۔اس حدیث سے معلوم ہوا کہ فقہی قیاس برحق ہے کہ حضور صلی اللّٰہ علیہ و سلم نے حق اللّٰه کو حق العبد پر قیاس فرمایا،یہ بھی معلوم ہوا کہ نبی بھی قیاس کرسکتے ہیں۔
۳؎کیونکہ خدا تعالٰی کا حق بندوں کے حق سے زیادہ ہے کہ وہ ہمارا مالک و مولٰی ہے۔خیال رہے کہ حضور صلی اللّٰہ علیہ و سلم کا یہ فرمان استحباب پر مبنی ہے یعنی بہتر ہے کہ تو اس کی طرف سے حج کردے ورنہ اگر میت کے ذمہ زکوۃ یا کفارہ قسم وغیرہ رہ گئے ہوں تو وہ کسی کے ہاں میراث پر مقدم نہیں بلکہ وصیت کی صورت میں تہائی مال سے ادا کیے جائیں گے لہذا مذہب حنفی نہایت قوی ہے،بندوں کے قرض میراث پر مقدم نہیں کہ بندہ محتاج ہے رب غنی۔