باب : آگ اور آگ والوں کا بیان - مرآۃ المناجیح شرح مشکوٰۃ المصابیح - حدیث نمبر: 5693

۱∞؎یعنی دوزخ میں سزا پانے کے لیے صرف بدبخت جن و انس ہی ہوں گے،اگر دائمی داخلہ مراد ہے توشقیسے مراد پورا بدبخت یعنی کافر ہے اور اگر مطلقًا داخلہ مراد ہے دائمی ہو یا عارضی توشقیسے مراد مطلقًابدکار ہے خواہ کافر ہو یا فاسق مسلمان۔۲؎یہاں بھی وہ ہی دو احتمال ہیں: اگر کافر مراد ہے تو اس معصیت میں بدعقیدگی بھی داخل ہے اور طاعت میں اچھے عقیدے شامل یعنی وہ کافر دوزخ میں ہمیشہ کے لیے جاوے گا جس نے اچھے عقیدے اچھے اعمال اختیار نہ کیے برے عقیدے اور برے اعمال پر رہا، رب فرماتاہے:"لَا یَصْلٰىہَاۤ اِلَّا الْاَشْقَی الَّذِیۡ کَذَّبَ وَ تَوَلّٰی"۔اور اگر گنہگار مؤمن بھی اس میں داخل ہیں تو معصیت و اطاعت سے مراد عمل و اطاعت ہے۔خیال رہے کہ دنیا میں خوش نصیبی بدنصیبی مال سے سمجھی جاتی ہے مگر آخرت میں اعمال سے وہاں کی دولت اعمال ہے۔