باب : آگ اور آگ والوں کا بیان - مرآۃ المناجیح شرح مشکوٰۃ المصابیح - حدیث نمبر: 5685

۱∞؎یعنی جیتے جی اپنے گناہوں کے ڈر،رب کے خوف،اس کی رحمت کے شوق ،اس کے حبیب کے عشق میں جتنا ہو سکے رولو ایسے رونے کا انجامان شاءاللهخوشی و شادمانی ہے۔مولانا فرماتے ہیں شعر
از پس ہر گریہ آخر خندہ ایست مرد آخر بیں مبارک بندہ ایست
خوف،شوق،ذوق کا رونا بڑا ہی لذیذ ہے انہیں آنسوؤ ں سے چمن ایمان کی آبیاری ہوتی ہے۔شعر
باش چوں دولاب دائم چشم تر تادرون صحن تو روید خضر
۲؎کفار دنیا میں بے غم تھے وہاں غمگین ہوں گے،یہاں خوش تھے وہاں مغموم رہیں گے،یہاں ہنستے بہت تھے وہاں روئیں گے جس سے ان کے خساروں پر نالیاں بن جائیں گی۔۳؎پھر ان کی آنکھوں سے دو قسم کے خون جاری ہوں گے آنسو کی جگہ اور زخم چشم سے پھر اس رونے سے جو تکلیف ہوگی وہ بیان سے باہر ہے۔۴؎ازجیتبنا ہےازجاءسے بمعنی چھوڑنا بہانا۔(مرقات،اشعہ)ازجیتیعنی دوزخیوں کی آنکھوں سے اتنا خون بہے گا کہ اس کے تالاب دریا بن جائیں گے کہ ان میں کشتیاں جاری ہوجاویں۔