باب:نیکی اور صلہ رحمی کا بیان - مرآۃ المناجیح شرح مشکوٰۃ المصابیح - حدیث نمبر: 4916

۱∞؎بمعنی اپنے ماں باپ کو یا ان میں سے ایک کو گالی دیتا ہے۔
۲؎فرمایا ہاں یہ بات عقل کے خلاف ہے کہ کوئی بیٹا اپنے ماں باپ کو گالی دےسبحان الله!وہ زمانہ قدوسیوں کا تھا کہ یہ جرم ان کی عقل میں نہ آتا تھا اب تو کھلم کھلا نالائق لوگ اپنے ماں باپ کو گالیاں دیتے ہیں ذرا شرم نہیں کرتے۔
۳؎خیال رہے کہسبّہر قسم کے برا کہنے کو کہتے ہیں گالی ہو یا اور کچھ مگرشتمگالی کو کہا جاتا ہے،کبھیسببمعنیشتمآتا ہے اورشتمبمعنیسب،کسی سے کہا تیرا باپ احمق ہے یہ ہےسب،کسی سے کہا تیرا باپ زانی ہے حرامی ہے یہ ہےشتم۔ مطلب یہ ہے کہ کسی کے بزرگوں کو تم برا نہ کہو تاکہ وہ تمہارے بزرگوں کو برا نہ کہے،یہ ہی حکم اولاد و عزیزوں کے متعلق ہے تم کسی کی بیٹی بہن بھانجی کو گالی نہ دو تاکہ وہ تمہاری بیٹی بہن بھانجی کو گالی نہ دے جیسے کہو گے ویسی سنو گے بہت اعلیٰ اخلاق کی تعلیم ہے کسی نے کیا خوب کہا۔شعر
گر ما درخویش دوست داری دشنام مکن بہ مادر من
ابن ابی الدنیا میں بروایت ابوہریرہ رضی الله عنہ مرفوعًا ہے کہ کسی مسلمان کی آبروریزی کرنا اسے بہتان لگانا گناہ کبیرہ میں سے ہے۔(مرقات)