باب : میت کے دفن کا بیان - مرآۃ المناجیح شرح مشکوٰۃ المصابیح - حدیث نمبر: 1708

۱∞؎امام جعفر صادق کے والد کا نام محمد باقر ہے،چونکہ انہوں نے حضور انورصلی الله علیہ وسلم کو دیکھا نہیں اور یہاں صحابہ کا نام لیا نہیں اس لیئے یہ حدیث مرسل ہے۔غالبًا وہ صحابی حضرت جابر ہوں گےکیونکہ امام باقر اکثر ان سے روایتیں لیتے ہیں۔۲؎مٹی کے۔امام احمد کی روایت میں ہے کہ آپ پہلے لپ پر پڑھتے"مِنْہَاخَلَقْنٰکُمْ"اور دوسرے پر پڑھتے"وَ فِیۡہَا نُعِیۡدُکُمْ"اور تیسرے پر پڑھتے"وَ مِنْہَا نُخْرِجُکُمْ تَارَۃً اُخْرٰی"۔چنانچہ میت کو تین لپ مٹی دینا بھی سنت ہے اور یہ پڑھنا بھی۔۳؎علماء فرماتے ہیں کہ بعد دفن قبر پر ٹھنڈا اور پاک پانی چھڑکے نیک فال کے لیئے کہ الله میت کو پاک اور قبر کو ٹھنڈا کرے۔اس حدیث سے معلوم ہوا کہ قبر کو بالکل کچا رکھنا ضروری نہیں،اس پر بجری کنکریٹ ڈال سکتے ہیں،ہاں عام قبروں کو چونا گچ سے پختہ نہ کیا جائے۔