باب: صبح شام اور سوتے وقت کیا کہے - مرآۃ المناجیح شرح مشکوٰۃ المصابیح - حدیث نمبر: 2409

۱∞؎یعنی یہ دعا رات کے آرام کی ہے نہ کہ دوپہر کی۔
۲؎بسم اللہ اورلِلّٰهِدونوں وضعت کے متعلق ہیں یعنی میں اللہ کے نام کی مدد سےلیٹتا ہوں اور اللہ ہی کی رضا اسکی عبادت کے لئے لیٹتا ہوں نہ کہ محض آرام کے لیے،مؤمن کا جاگنا،سونا،جینا،مرنا اللّٰہ کے لیے چاہیے "وَ مَحْیَایَ وَ مَمَاتِیۡ لِلّٰہِ رَبِّ الْعٰلَمِیۡنَ"بعض نسخوں میں اللّٰه نہیں ہے۔
۳؎میرے گناہ سے مراد یا تو میری امت کے گناہ ہیں یا خطائیں مراد ہیں یا یہ لفظ ہماری تعلیم کے لیے ورنہ حضور گناہوں سے معصوم ہیں۔شیطان سے مراد انسانی شیطان ہیں یا قرین شیطان ہے،رب تعالٰی نے آپ کی یہ دعا قبول فرمائی کہ آپ کا قرین شیطان مؤمن ہوگیا۔اخساخساءٌسے بنا بمعنی کتے کو دُرکا رنا،رہن گروی چیز کو کہتے ہیں یہاں مراد اپنی ذات ہے کیونکہ انسان کی ذات اپنے اعمال میں گروی ہے رب تعالٰی فرماتا ہے:"كُلُّ امْرِئٍ بِمَا كَسَبَ رَهِينٌ"یعنی مجھے نیک اعمال کی توفیق دے کر میرے نفس کو گروی ہونے سے چھوڑا دے۔
۴؎ندیٰمجلس کو بھی کہتے ہیں اور مجلس والوں کو بھی یہاں مجلس مراد ہےاور اعلٰی مجلس سے مراد قرب الٰہی غیر شناختی ہے ورنہ حضور صلی اللّٰہ علیہ و سلم تمام خلق سے اعلٰی ہیں ان سے اعلٰی مجلس والا کون ہوگا اور حضور کی مجلس والے صحابہ تمام مجلس والوں سے افضل ہیں اس جملہ کے اور بھی معنے کیے گئے ہیں مگر یہ معنے زیادہ مناسب ہیں یا یہ دعا ہماری تعلیم کے لیے ہے توندیٰسے مراد مجلس والے ہیں یعنی خداوند مجھے ملائکہ،انبیاء،اولیاء کا مجلس والا بنا۔