باب:مال ہتھیا لینے اور مانگ کر لینے کا باب - مرآۃ المناجیح شرح مشکوٰۃ المصابیح - حدیث نمبر: 2951

۱∞؎حرام تابعی ہیں،ان کے والد صحابی،حرام اپنے والد اور براء ابن عازب رضی اللّٰہ عنہما سے روایت کرتے ہیں، ۱۱۳ھ؁∞ میں وفات پائی ثقہ ہیں۔(مرقات و اشعہ)
۲؎عربی میں بستان یا روضہ ہر باغ کو کہتے ہیں مگر حائط وہ باغ کہلاتا ہے جس کے اردگرد دیوار ہو۔
۳؎یعنی باغ والے نے دربار رسالت میں فریاد کی تو فیصلہ یہ فرمایا کہ دن میں باغ والے اپنے باغ کی نگرانی کریں کسی جانور کو نہ گھسنے دیں کیونکہ دن میں عمومًا جانور کام کاج کو نکلتے ہیں ان کے مالک ان کی پوری نگرانی نہیں کرسکتے اور رات کو جانور والے اپنے جانوروں کی نگرانی کریں کہ رات میں جانور باندھے جاتے ہیں۔
۴؎خلاصہ فیصلہ یہ ہے کہ اگر کسی کا جانورکسی دوسرے کا باغ یا کھیت دن میں خراب کردیں تو اس کا تاون جانور والے پر نہیں کہ قصور باغ والے کا اپنا ہے اور اگر رات میں یہ واقعہ ہوا تو جانور والے پر برباد شدہ باغ کی قیمت باغ کے مالک کو دینا لازم ہے۔کیا ہی نفیس فیصلہ ہے آج کل حکومتیں ایسے جانور کو پکڑ کر قید کردیتی ہیں اور مالک جانور سے جرمانہ خود وصول کرلیتی ہیں جس کا باغ یا کھیت اجڑا اسے کچھ نہیں ملتا یہ ظلم ہے۔حضرت امام شافعی و مالک کے ہاں اگر مالک جانور کے ساتھ ہو اور پھر جانور کھیت برباد کرے منہ سے یا پاؤں سے تو بہرحال جانور والے پر تاوان ہے دن میں برباد کرے یا رات میں،اگر مالک ساتھ نہ ہو تو وہ تفصیل ہے جو یہاں مذکور ہے۔احناف کے ہاں اگر مالک کے ساتھ نہ ہو تو تاوان واجب نہیں خواہ دن میں ہلاکت ہو یا رات میں،تفصیل کتب فقہ میں ملاحظہ فرمایئے۔(از مرقات)