باب: اذان اورمؤذن کا جواب دینے کی فضیلت - مرآۃ المناجیح شرح مشکوٰۃ المصابیح - حدیث نمبر: 659

۱∞؎خیال رہے کہ جنت میں حضور(صلی اللہ علیہ وسلم) کے خاص مقام کا نام"وسیلہ"ہے اورقیامت میں حضورکے مقام کانام "مقام محمود"ہے۔یہ وہ جگہ ہے جہاں حضور (صلی اللہ علیہ وسلم) دولہا بنائے جائیں گے،سارے اولین و آخرین،کفار و مؤمن ین،انبیاء و مرسلین،بلکہ خود رب العالمین حضور کی ایسی تعریفیں کریں گے جو آج ہمارے خیال و وہم سے وراءہیں،وہ مقام نہ معلوم کیسا عظیم الشان ہے جس کا رب نے قرآن شریف میں اعلان فرمایا اورہم لوگوں کو ہراذان کے بعد اس کی دعا مانگنے کا حکم دیا گیا،اسی مقام پرحضورصلی اللہ علیہ وسلم "شفاعت کبریٰ" فرمائیں گے اوریہیں سے حضورصلی اللہ علیہ وسلم کے ہاتھ پر"دروازۂ شفاعت"کھلے گا۔
۲؎یعنی اس دعا کی برکت سے اسے ایمان پرخاتمہ نصیب ہوگا اوروہ میری شفاعت عامہ و خاصہ کامستحق ہوگا۔مرقاۃ نے فرمایا کہ اذان کے بعد دعابہت قبول ہوتی ہے،لہذا مصیبت زدہ کو چاہیئے کہ اس وقت دعا مانگا کرے اسی لیے مسلمان اس دعا کے ساتھ یہ بھی کہہ دیتے ہیں"وَارْزُقْنَا شَفَاعَتَہٗ" خدایا ہمیں ان کی شفاعت نصیب کر۔