باب : قیامت کی علامتوں کا بیان - مرآۃ المناجیح شرح مشکوٰۃ المصابیح - حدیث نمبر: 5459

۱∞؎یعنی ہر قسم کے درندے خواہ چرندے ہوں جیسے شیر بھیڑیا وغیرہ یا پرندے جیسے باز شکر ہ وغیرہ ہر قسم کے انسان سے باتیں کریں گے اس انسان کی زبان میں جو اس کی مادری ہو۔حدیث بالکل ظاہر پر ہے اس میں کسی تاویل کی ضرورت نہیں۔مؤمن و کافر ہر انسان سے کلام کریں گے، اولیاء الله سے تو آج بھی کلام کرتے ہیں بلکہ ان سے شجرو حجر کلام کرتے ہیں۔مولانا فرماتے ہیں شعر
نطق آب و نطق خاک و گل ہست محسوس حواس اہل دل
فلسفی گو منکر حنانہ است از حواس اولیاء بیگانہ است
۲؎یعنی ایسی مشینیں ایجاد ہوجاویں گی جو انسانوں کے کلام بلکہ کام کو کیچ کرلیا کریں گی وہ مشینیں دیواروں، جوتوں،کواڑوں میں فٹ ہوں گی اور اسے ہر بات بتائیں گی۔موجودہ سائنس نے ان چیزوں کو ممکن بلکہ قریب الوقوع بنا دیا،درودیواروں سے تو اب بھی آوازیں آرہی ہیں۔