باب: بقر عید کے دن کا خطبہ اور تشریق کے دنوں کی رمی اور رخصتی طواف - مرآۃ المناجیح شرح مشکوٰۃ المصابیح - حدیث نمبر: 2675

یعنی احمد و نسائی نے حضرت عبداللّٰه ابن عباس کا خود اپنا قول نقل کیا،مرفوع حدیث نقل نہ کی مگر اس قسم کی موقوف حدیث مرفوع کے حکم میں ہوتی ہے۔خیال رہے کہ احرام سے فارغ ہونے پر حجامت ہمارے ہاں واجب ہے،امام شافعی رضی اللّٰہ عنہ کے ہاں سنت، ہماری دلیل رب تعالٰی کا یہ فرمان ہے:"ثُمَّ لْیَقْضُوۡا تَفَثَهُمْ"۔اس سے مراد حجامت ہے اور رب تعالٰی کا یہ فرمان:"اٰمِنِیۡنَ مُحَلِّقِیۡنَ رُءُوۡسَکُمْ وَ مُقَصِّرِیۡنَ" مگر چونکہ یہ استدلال ظنی ہے اس لیے اس سے وجوب ثابت ہے نہ کہ فرضیت۔