باب: بقر عید کے دن کا خطبہ اور تشریق کے دنوں کی رمی اور رخصتی طواف - مرآۃ المناجیح شرح مشکوٰۃ المصابیح - حدیث نمبر: 2668

۱∞؎یعنی پہلے حجاج رخصت کے وقت طواف وداع نہ کرتے تھے یوں ہی چلے جاتے تھے۔من کُلّ وجہٍکے معنے ہیں ہر طرف سے ہر محلہ سے روانہ ہوجاتے تھے یہ گویا بے قاعدگی سی تھی۔
۲؎یعنی بیت اللّٰه کا طواف کرکے مکہ معظمہ سے روانہ ہؤو تاکہ تمہاری آمد طواف سے ہو اور روانگی بھی طواف سے،یہی حال مدینہ منورہ کا ہے کہ حجاج پہنچتے ہی سلام عرض کرتے ہیں اور چلتے وقت سلام وداع کر کے چلتے ہیں،اس وقت جو دل کی کیفیت ہوتی ہے بیان نہیں ہو سکتی۔
بدن سے جاں نکلتی ہے آہ سینہ سے
ترے فدائی نکلتے ہیں جب مدینہ سے
۳؎یعنی حائضہ و نفساء عورت طواف وداع کےلیے حیض بند ہونے کا انتظار نہ کرے بلکہ یوں ہی چلی جائے ورنہ بہت دشواری ہوگی۔