باب :رکوع - مرآۃ المناجیح شرح مشکوٰۃ المصابیح - حدیث نمبر: 886

۱∞؎آپ انصاری ہیں،رومی مدینی ہیں۔حق یہ ہے کہ تابعی ہیں جنہوں نے انہیں صحابی کہاغلطی کی لہذا یہ حدیث مرسل ہےکیونکہ صحابی کا ذکر چھوٹ گیا۔
۲؎خیال رہے کہ چوری اور زنا ہمیشہ ہی سے حرام تھے مگر شراب شروع اسلام میں حلال تھی پھر عرصہ کے بعد آہستگی سے حرام ہوئی، حرمت کے کچھ عرصہ بعد اس پر اسی(۸۰)کوڑے سزا مقرر ہوئی، یونہی زنا اور چوری کی سزائیں بعد میں آئیں، یہ واقعہ اس وقت کا ہے جب شراب حرام ہوچکی تھی لیکن ابھی اس کی سزا مقرر نہ ہوئی تھی۔
۳؎یہ صحابی کا انتہائی ادب ہے کہ معلوم چیز کا بھی جواب نہیں دیتے۔ اس سےمعلوم ہواکہ حضورصلی الله علیہ وسلم کا ذکر خدا کے ساتھ کرنا اور دونوں ہستیوں کے لیے ایک ہی صیغہ لاناجائزہے، رب فرماتا ہے:"اَغْنٰہُمُ اللهُ وَرَسُوۡلُہٗ مِنۡ فَضْلِہٖ"لہذا یہ کہہ سکتے ہیں کہ الله و رسول بھلاکریں، الله رسول عزت ایمان دولت دیں۔
۳؎یعنی اطمینان سے اداکرے۔ خیال رہے کہ نماز کے ہر رکن کو پوراکرنا چاہیے اورکسی رکن کو ناقص کرنے والا بدترین چور ہے مگر چونکہ رکوع سجدہ اہم ارکان تھے اس لیے خصوصیت سے ان کا ذکر فرمایا۔