باب :رکوع - مرآۃ المناجیح شرح مشکوٰۃ المصابیح - حدیث نمبر: 882

۱∞؎آپ صحابی ہیں،اشجعی ہیں،غزوہ خیبر اور فتح مکہ میں حضورصلی الله علیہ وسلم کے ساتھ تھے بلکہ فتح مکہ کے دن بنی اشجع کاجھنڈا آپ ہی کے ہاتھ میں تھا،شام میں قیام رہا اور وہاں ہی۷۳ھ ∞ میں وفات پائی۔
۲؎تہجدکی نماز میں آپ کے ساتھ تہجداداکرنے کےلیے،چونکہ آپ اکیلےمقتدی تھے اس لیےحضورصلی الله علیہ وسلم کے ساتھ کھڑے ہوئے اگر چند ہوتے تو حضور صلی الله علیہ وسلم کے پیچھے کھڑے ہوتٍے۔خیال رہے کہ تہجد جماعت سے جائزہے بشرطیکہ اس جماعت کے لیے اہتمام نہ کیاجائے اتفاقًا دوچارنمازی جمع ہوجائیں اور جماعت کرلیں یہاں ایسا ہی تھا۔
۳؎یعنی اتنا دراز رکوع کیا کہ تلاوت کرنے والا سورۂ بقر پڑھ لے۔ معلوم ہوا کہ نماز تہجد و کسوف وغیرہ میں رکوع قیام کے برابر ہونا بہتر ہے، فرائض میں رکوع قیام سے کم چاہیے، لہذا احادیث میں تعارض نہیں۔
۴؎جبروت ملکوتمبالغے کے صیغے ہیں۔جبروتجبر، بمعنی غلبے سے بنا یعنی ہر غالب پر غالب،ملکوتملك،بمعنی قبضہ سے بنا، ظاہری قبضہ کو ملک اور باطنی قبضہ کو ملکوت کہا جاتاہے۔ رب تعالٰی ہمارےجسم کابھی مالک ہے اورنفس و روح کابھی اسی لیے مخلوق کے لیے عطاءً ملک ثابت ہے ملکوت نہیں۔