باب:قرآن وسنّت مضبوطی سے پکڑنا - مرآۃ المناجیح شرح مشکوٰۃ المصابیح - حدیث نمبر: 151

۱∞؎یہاں محکم سے صریح اور واضح آیات مراد ہیں جیسا کہ متشابہ کے تقابل سے معلوم ہورہا ہے۔اصطلاح اصول میں محکم وہ ہیں جن میں نہ تاویل کا احتمال ہو نہ نسخ کا اندیشہ جیسے ذات و صفات اورحضور کی نعت و صحابہ کے مناقب کی آیت۔
۲؎یعنی جو آیتوں کی تاویلات کے پیچھے پڑ ے رہتے ہیں اور فتنہ پھیلانے کے لیئے ان کے فاسد معانی بیان کرتے ہیں ان کے دلوں میں کجی ہے ان سے دور بھاگو۔خیال رہے کہ متشابہ آیات دو قسم کی ہیں:ایکمُشْتَبِہُ الْمَعْنیٰجیسے"المٓ،الٓرٰ"وغیرہ مقطعات قرآنیہ جن کے معنے ہی سمجھ میں نہیں آتے۔دوسرےمُشْتَبِہُ الْمُرَادْجیسے"فَثَمَّ وَجْہُ اللهِ"وغیرہ آیاتِ صفات ان دونوں قسم کی متشابہات میں جرح و قدح اور فتنے کے لیئے تاویلیں کرنا حرام ہیں لیکن مناسب تاویلیں اس زمانہ میں گناہ نہیں تاکہ لوگ غلط تاویلوں سے بچیں۔حدیث میں پہلی قسم کے لوگ مراد ہیں اسی لیئے قرآن کریم نےفرمایا:"ابْتِغَآءَ الْفِتْنَۃِ"۔ یقین رکھوکہ الله تعالٰی نے نبی صلی اللہ علیہ وسلم کو اور ان کی طفیل بعض مقبولوں کو متشابہات کا علم دیا،رب فرماتاہے:"اَلرَّحْمٰنُ عَلَّمَ الْقُرْاٰنَ"اپنےمحبوب کو رحمان نے قرآن سکھایا ظاہرہے کہ سارا ہی قرآن سکھایا جس میں متشابہات بھی ہیں۔