باب:حضرت ابوبکر صدیق کے فضائل - مرآۃ المناجیح شرح مشکوٰۃ المصابیح - حدیث نمبر: 6030

۱∞؎غزوہ تبوک کے موقعہ پر یہ حکم ہوا تھا۔
۲؎حضرت عمر کا گمان یہ تھا کہ صدقہ میں سبقت زیادتی مال سے ہوتی ہے اور مال تو میرے پاس زیادہ ہے لہذا میں ہی آج بڑھ جاؤں گا مگر بعد میں پتہ لگا کہ صدقہ میں سبقت اخلاص کی زیادتی سے ہوتی ہے،کثرت اور برکت میں فرق ہے۔
۳؎سارے مال کی خیرات حضرت صدیق اکبر کی خصوصیت ہے ان کی اور ان کے بال بچوں کی طرح متوکل نہ کوئی ہوگا نہ سارا مال خیرات کرے گا۔ہم جیسوں کو بعض مال خیرات کرنے کا حکم ہے"اَنۡفِقُوۡا مِمَّا رَزَقْنٰکُمۡ"مماکامنبعضیت کا ہے۔ اگر ہم سارا مال خیرات کردیں تو اگرچہ ہم صبرکر جاویں مگر ہمارے بیوی بچے پیٹ پِیٹ کر مرجاویں۔خیال رہے کہ عابدوں کی نماز و زکوۃ اور ہے عاشقوں کی اور نوعیت کی،عارفوں کی اور طرح کی،عابدوں کی زکوۃ سال کے بعد چالیسواں حصہ عاشقوں کو زکوۃ اشارہ پا کر سارا مال،عابدوں کی نماز مسجدوں کی دیواروں کے سایہ میں،عاشقوں کی نماز تلواروں کے سایہ میں۔اس جواب سے معلوم ہوا اللہ رسول کے نام پر خیرات اللہ رسول پر توکل شرک نہیں عین ایمان ہے،کیا پیارا جواب ہے کہ میں نے گھر والوں کے لیے اللہ رسول کو چھوڑا معلوم ہوا کہ اللہ رسول کافی ہیں۔
۴؎خیال رہے کہ حضرت ابوبکر کا یہ کل مال جناب عمر کے آدھے مال سے مقدار میں کم تھا مگر درجہ میں بہت زیادہ تھا قبولیت میں سب سے بڑھ کر تھا۔(اشعہ)