باب:حضرت ابوبکر صدیق کے فضائل - مرآۃ المناجیح شرح مشکوٰۃ المصابیح - حدیث نمبر: 6025

۱∞؎کیونکہ یہ تینوں حضرات سید سیدہ تجربہ کار اور حضور انور کے مشیر خاص اور راز دار تھے ان کی عظمت لوگوں کے دلوں میں قدرتی طور پر جاگزین تھی۔
۲؎یعنی ان تینوں صاحبوں کی سی بزرگی کسی اور صحابی کو نہ دیتے تھے۔خیال رہے کہ حضرت علی کا شمار اہل بیت نبی میں ہے اسی لیے ان کا ذکر نہ فرمایا۔یہاں ذکر صحابہ کا ہے کہ صحابہ میں ہم یہ ترتیب رکھتے تھے،نیز حضور کے زمانہ میں حضرت علی بہت کم سن تھے اور وہ تین حضرات شیوخ میں سے تھے ورنہ حضرت عمر کا عقیدہ تھا کہ اہل بدر،اہل بیعۃ رضوان اور علماء صحابہ ان کے مجتہد ہیں دوسرے صحابہ سے افضل ہیں خصوصًا حضرت علی بہت افضل واعلیٰ ہیں۔(مرقات)لہذا اس پر یہ اعتراض نہیں کہ آپ نے حضرت علی اصحاب بدر،عشرہ مبشرہ،بیعۃالرضوان والے صحابہ کا ذکر کیوں نہیں کیا۔(مرقات)
۳؎اس کا مطلب بھی وہ ہی ہے جو ابھی عرض کیا گیا کہ کسی صحابی کو ان تین جیسی فضیلت ہم نہیں دیتے تھے بقیہ حضرات کی اپنی اپنی فضیلت مسلم ہے۔خیال رہے کہ حضرت علی میں رب نے دو بزرگیاں جمع فرمائی ہیں: صحابیت اور حضور کا اہل بیت میں سے ہونا،آپ کے گھر میں حضور نے اور حضور کی گود میں آپ نے پرورش پائی،غسل ولادت حضور نے جناب علی کو دیا اور غسل وفات جناب علی نے حضور کو دیا،ادھر چار یار میں داخل اور ادھر پنج تن پاک میں شامل رضی اللہ عنہ۔