باب : توکل اور صبر کا بیان - مرآۃ المناجیح شرح مشکوٰۃ المصابیح - حدیث نمبر: 5299

۱∞؎حق توکل یہ ہے کہ فاعل حقیقی الله تعالٰی کو ہی جانے،بعض نے فرمایا کہ کسب کرنا نتیجہ الله پر چھوڑنا حق توکل ہے،جسم کو کام میں لگائے دل کو الله سے وابستہ رکھے۔
۲؎تجربہ بھی ہے کہ الله پر توکل کرنے والے بھوکے نہیں مرتے۔کسی نے کیا خوب کہا شعر
رزق نہ رکھیں ساتھ میں پنچھی اور درویش جن کا رب پر آسرا ان کو رزق ہمیشں
خیال رہے کہ پرندے تلاش رزق کے لیے آشیانہ سے باہر ضرور جاتے ہیں،ہاں درختوں میں چلنے کی طاقت نہیں تو انہیں وہاں ہی کھڑے کھڑے کھاد پانی پہنچتا ہے،کوّے کا بچہ انڈے سے نکلتا ہے تو سفید ہوتا ہے،اس کے ماں باپ اس سے ڈر کر بھاگ جاتے ہیں،الله تعالٰی اس بچے کے منہ پر بھنگے جمع کردیتا ہے یہ بچہ انہیں کھا کر بڑا ہوتا ہے جب کالا پڑ جاتا ہے تب ماں باپ آتے ہیں۔(دیکھو مرقات)