باب:بیٹھنے سونے اور چلنے کا باب - مرآۃ المناجیح شرح مشکوٰۃ المصابیح - حدیث نمبر: 4711

۱∞؎شاید یہ شخص قارون تھا یا کوئی ملک فارس کا کافر،بعض نے فرمایا کہ یہ واقعہ قریب قیامت حضور صلی الله علیہ وسلم کے ایک امتی سے ہوگا اس صورت میںیتبختربمعنی مستقبل ہوگا اوراعجبت خسفتمام افعال بمعنی مستقبل ہوں گے۔والله اعلم!اس سے معلوم ہوا کہ تکبروغرور کی چال چلنا بھی ممنوع بلکہ باعث عذاب ہے،مسلمان کی چال میں بھی تواضع چاہیے، رب تعالیٰ اپنے مقبول بندوں کی صفت یوں فرماتاہے: "الَّذِیۡنَ یَمْشُوۡنَ عَلَی الْاَرْضِ ھَوْنًا"ہمارے بندے وہ ہیں جو تواضع سے چلتے ہیں۔آج کل بعض لوگ چشمہ لگائے ننگے سر ہاتھ میں بیت گھماتے چلتے ہیں یہ متکبرانہ چال ہے اس سے بچو۔
۲؎یتجلجلبنا ہےجلجلۃسے اس کے معنی ہیں وہ حرکت جس کی آوازہو۔مقصد یہ ہے کہ تکبر کا انجام ذلت و خواری ہے عجز کا انجام سرداری ہے۔شعر
عجز کار انبیاء و اولیاء است عاجزی محبوب درگاہ خدا است
خاک میں عجز ہے آگ میں تکبر،تو باغ خاک میں ہی لگتے ہیں نہ کہ آگ میں۔