باب:غصہ اورغرور کا بیان - مرآۃ المناجیح شرح مشکوٰۃ المصابیح - حدیث نمبر: 5122

۱∞؎یعنی نجات چھٹکارا اور سبب تین چیزیں ہیں۔
۲؎یعنی لوگوں کے سامنے اور خلوت ہر حالت میں نیک کام کرے اور الله سے ڈرے،الله کا ڈر تمام نیکیوں کی جڑ ہے الله نصیب کرے۔
۳؎یعنی ہر حالت میں سچ بولے ،غصہ اور خوشی اسے حق گوئی سے باز نہ رکھے اور اپنا خرچ درمیانہ رکھے نہ بخل کرے نہ فضول خرچی۔کمانا ایک کمال ہے اور صحیح خرچ کرنا پچاس کمال،درمیانی چال ہمیشہ ہی مفید ہے۔
۴؎کہ جو دل چاہے وہ کرے،جائز اور ناجائز کا خیال نہ کرے،اس کی باگ دوڑ نفس امارہ کے ہاتھ میں ہو،ظاہر ہے کہ ایسا شخص ہلاک ہی ہوگا۔
۵؎پرایا مال ناحق کھانا،اپنے ذمہ جو حقوق ہوں وہ ادا نہ کرنا،گناہ میں مشغول رہنا یہ سب بخل کی اطاعت ہی سے ہوتا ہے،بخل کا نتیجہ حرص ہے۔(مرقات)۶؎یعنی کسی کی بات نہ ماننا خواہ کتنی اچھی ہو،اپنی بات ہی منوانا خواہ کتنی ہی بری ہو،اپنے کو کامل سمجھنا دوسروں کو ناقص جاننا یہ بھی تکبر کی ایک قسم ہے۔
۷؎کیونکہ ہر عیب سے پاک ہونا ہر خوبی سے موصوف ہونا الله تعالٰی کی صفت ہے،جو اپنے کو ایسا سمجھے وہ اپنے کو خدا کا ہمسرسمجھتا ہے،ہم سب عیب دار ہیں بے عیب ذات الله تعالٰی کی ہے یا اس کی جسے بے عیب بنادے جیسے فرشتے یا حضرت انبیاء علیہم السلام یا بعض اولیائے کرام۔