باب:غصہ اورغرور کا بیان - مرآۃ المناجیح شرح مشکوٰۃ المصابیح - حدیث نمبر: 5117

۱∞؎یعنی اس آیت کریمہ میںاحسنسے مراد صبرکرنا ہے،چونکہ صبرکرنا بدلہ لینے سے اچھا ہے اس لیے اسےاحسنفرمایا گیا،نیز لوگوں کی برائی کو معاف کردینا سزا دینے سے افضل ہے اس لیے اسے بھیاحسنکہا گیامگر یہ اچھائی اپنے ذاتی معاملات کےمتعلق ہے۔دینی قومی ملکی جرم کرنے والوں کو ہرگز معافی نہ دی جاوے، انہیں ضرور سزا دی جائے لہذا یہ حدیث اس حدیث کے خلاف نہیں کہ حضور انور نے چورکو معاف نہ فرمایا۔
۲؎یعنی ایسی معافی سے الله تعالٰی اسے اس کے احباب کو لوگوں کے شر سے بچائے گا اور اس کی عزت بڑھائے گا۔دیکھ لو یوسف علیہ السلام نے اپنے مجرم بھائیوں کو،حضور صلی الله علیہ وسلم نے اپنے مجرموں کو معافیاں دیں تو اب تک اس کی دھوم مچی ہوئی ہے اور وہ لوگ ان کے تابعدار بن گئے،اخلاقی معافی اعلیٰ چیز ہے مجبوری کی معافی بری ہے۔