باب: تعویذوں کے بارے میں - مرآۃ المناجیح شرح مشکوٰۃ المصابیح - حدیث نمبر: 2476

۱∞؎آپ کا نام عمران،کنیت ابوالخیر ہے،خزاعی کعبی ہیں،خیبر کے سال اپنے والد حصین کے ساتھ ایمان لائے،عہدِ فاروقی میں بصرے بھیجے گئے،پھر وہاں رہ گئے،بصرےٰ ہی میں ۵۲ھ میں وفات ہوئی۔ابن سیرین فرماتے ہیں کہ عمران جیسا پرہیزگار و افضل کوئی بصرہ میں نہ تھا،آپ کو فرشتے سلام کرتے تھے۔(کتاب الکاشف مولانا عبدالحق،از حاشیہ ا کمال)
۲؎یعنیلَاتْ،مَنَاتْ،یَغُوْثْ،یَعُوْقْ،نسر،عُزےٰان تمام کا ذکر قرآن شریف میں ہے یہ تمام بت عورتوں کے نام پر تھے مگر چونکہ ان میں اللّٰه تعالٰی کو ساتواں معبود کہا گیا تو مؤنث نہیں ہے اس لیےسَبْعَۃٌت سے کہا جو مذکر کے لیے بولا جاتا ہے۔
۳؎یعنی مصیبت میں فریاد،حاجت میں داد اس رب سے چاہتے ہیں جو آسمان والا ہے یعنی اللّٰه تعالٰی سے باقی یہ چھ تو اعزازی ٹمپریری(Temporary) ہیں۔ان کا عقیدہ یہ تھا کہ اللّٰه تعالٰی آسمان میں رہتا ہے،چونکہ ابھی یہ کافر تھے اس لیے حضور صلی اللّٰہ علیہ و سلم نے ان کی کسی بات کی تردید نہ فرمائی لہذا اس خاموشی سے یہ لازم نہیں کہ اسلام کا بھی یہ عقیدہ ہے۔
۴؎سبحان اللّٰه! کیسی نفیس تبلیغ ہے کسی کو لالچ دے کر کسی کو ڈرا کر،کسی کو اپنا دیوانہ بنا کر دعوت اسلام دی،حضرت بلال کو کیا دے کر بلایا،اپنا عشق دے کر اپنا شوق دے کر،یوں کہوسب کچھ دے کر ان کا سب کچھ دکھ و درد دور کردیا۔
۵؎یعنی حضرت حصین اس وقت تو ایمان نہ لائے مگر تیر نظر کے گھائل ہوچکے تھے اس گھاؤ نے اپنا کام کردیا،کچھ عرصہ بعد ایمان لائے تو یہ وعدہ یاد دلایا۔جھاگ لگانے کے کچھ دیر بعد دہی جمتا ہے۔
۶؎ہر شخص کی خاص ہدایت جداگانہ ہے جو رب تعالٰی نے اس کے نصیب میں رکھی ہے،کسی کو صرف ایمان کی ہدایت،کسی کو تقویٰ کی،کسی کو عرفان کی،کسی کو عشق رحمان کی۔مقصد یہ ہے کہ مولٰی میں ایمان تو لے آیا،اب میرے نصیب میں جو مخصوص ہدایت تو نےر کھی ہے وہ عطا فرما اور میرا نفس شرارتوں کی جڑ ہے اس کی شر سے مجھے بچا لہذا حدیث پر اعتراض نہیں کہ حضرت حصین ہدایت تو پاچکے تھے پھر ہدایت کیوں مانگی۔ہدایت کی تحقیق اس کے اقسام ہماری تفسیر نعیمی میں"اِهْدِنَا الصِّرَاطَ الْمُسْتَقِيمَ"کی شرح میں ملاحظہ فرمائیے۔خیال رہے کہ شیطان کی شرارت سے نفس کی شرارت زیادہ ہے کہ شیطان تولاحولوغیرہ سے بھاگ جاتا ہے،یہ مار آستین کسی عمل سے قبضہ میں نہیں آتا ہے،صرف ر ب تعالٰی کے فضل سے آتا ہے۔