باب: نماز پڑھنے کا طریقہ - مرآۃ المناجیح شرح مشکوٰۃ المصابیح - حدیث نمبر: 807

۱∞؎نماز چار رکعت تھی اس میں تکبیرتحریمہ اور پہلےالتحیاتسے اٹھتے وقت کی تکبیریں بھی شامل ہیں،یہ بزرگ ابوہریرہ تھے اور عکرمہ حضرت عبد الله ابن عباس کے غلام ہیں ان کا ذکر پہلے آچکا ہے۔
۲؎یعنی چار رکعت والی نماز میں بائیس تکبیریں کہنا بھی سنت ہے اور امام کو ہرتکبیر اونچی آواز سے کہنا بھی سنت ہے،تم اپنی بیوقوفی سے سنت پرعمل کرنے والے کو بیوقوف بتا رہے ہو۔شایدحضرت عکرمہ نے چیخ کر تکبیر کہنے کو غلط سمجھا ہوگا مگرتعجب ہے کہ آپ ہمیشہ باجماعت نماز پڑھتے تھے پھر ان پر یہ مسئلہ کیسے مخفی رہا۔یہ بات تو ہر نمازی جانتا ہے کہ چار رکعت میں تکبیریں بائیس ہوتی ہیں اور امام ہرتکبیر بآواز بلند کہتا ہے۔خیال رہے کہ حضرت عکرمہ نے لڑکپن کے جوش میں یہ الفاظ بول دیئے،ورنہ کسی کو پیٹھ پیچھے احمق کہنا غیبت ہے،صحابہ کی شان تو بہت بلند ہے اسی لیے حضرت ابن عباس رضی الله تعالٰی عنہ نے آپ کو سخت تنبیہ کی۔