باب: نماز پڑھنے کا طریقہ - مرآۃ المناجیح شرح مشکوٰۃ المصابیح - حدیث نمبر: 791

۱∞؎یعنی بحالتِ امامت تلاوت قرآن بلند آواز سےاَلْحَمْدُسے شروع کرتے تھے یعنیبِسْمِ اللهآواز سے نہ پڑھتے تھے۔معلوم ہوا کہبِسْمِ اللهہر سورت کا جز نہیں ،نہ اسے امام آواز سے پڑھے۔اس کی تائید اس واقعہ سے ہوتی ہے جو مسلم،بخاری وغیرہ تمام کتب احادیث میں موجود ہے کہ حضور صلی الله علیہ و سلم پر پہلی وحی یہ آئی "اِقْرَاۡ بِاسْمِ رَبِّکَ الَّذِیۡ خَلَقَ"اس کے اولبِسْمِ اللهنہیں آئی۔لہذا یہ حدیث امام اعظم کی قوی دلیل ہے، نیز اس کا یہ مطلب نہیں کہ آپبِسْمِ اللهپڑھتے ہی نہ تھے پڑھتے تھےمگر آہستہ،یہاں بلند آوازسے پڑھنے کی نفی ہے۔لہذا یہ حدیث ان احادیث کے خلاف نہیں جن میںبِسْمِ اللهپڑھنے کا ذکر ہے کیونکہ وہ آہستہ پڑھنا مراد ہے۔خیال رہے کہ اصطلاح شریعت میں بحث نماز میں جہاں کہیں قرأت بولی جائے گی وہاں تلاوت قرآن مراد ہوتی ہے نہ کہ مطلقًا پڑھنا اسی لیے کہا جاتا ہے کہ نماز میں قیام، قرأت،رکوع،سجدہ فرض ہیں،لہذا اس حدیث سے یہ ثابت نہیں ہوتا کہ حضور انور صلی الله علیہ وسلم "سُبْحَانَكَ اللّٰھُمَّ"نہیں پڑھتے تھے لہذا یہ حدیث "سُبْحَانَكَ اللّٰھُمَّ"پڑھنے کی احادیث کے خلا ف نہیں۔
۲؎یعنی پیٹھ شریف کے برابر یہی سنت ہے اس کے خلاف سنت کے خلاف ہے۔
۳؎سوا مغرب کے فرض اور وتروں کے کہ ان میں پہلیالتحیاتدو رکعتوں کے بعد ہوتی ہے اور دوسری ایک رکعت کے بعد۔ خیال رہے کہ یہ دونوںالتحیاتواجب ہیں لیکن پہلی میں بیٹھنا واجب اور دوسری میں فرض ہے۔
۴؎یعنی حضور صلی الله علیہ و سلم دونوں قعدوں میں اپنا بایاں پاؤں بچھا کر اس پر بیٹھتے تھے اور داہنا پاؤں کھڑا کرتے تھے،یہ حدیث حنفیوں کی قوی دلیل ہے کہ ہرالتحیاتمیں یونہی بیٹھے۔جن احادیث میں آیا کہ حضورصلی الله علیہ و سلم آخریالتحیاتمیں بایاں پاؤں شریف داہنی جانب نکال دیتے اور زمین پر بیٹھتے وہ بڑھاپے یا بیماری کا حال ہے جب زیادہ دیر تک بائیں پاؤں پر نہ بیٹھ سکتے تھے لہذا یہ حدیث اس کے خلاف نہیں ،حنفی لوگ ان دونوں حدیثوں پر عامل ہیں مگر ان کے مخالف اس حدیث کو چھوڑ دیتے ہیں۔
۵؎اس کی صورت یہ ہے کہ دونوں سرین زمین پر رکھے اور پنڈلیاں کھڑی کرے دونوں ہاتھ زمین پر بچھادے ،کتے کی سی بیٹھک یہ ممنوع ہے،چونکہ کتا گندا ہے اس لیے اس کی بیٹھک کو شیطانی بیٹھک فرمایا۔
۶؎اس طرح کہ ایک جانب دونوں پاؤں بچھا دے سامنے کہنیاں کہ یہ بیٹھک بھی منع ہے۔