زھد و فقر کی فضیلت - فیضان ریاض الصالحین - حدیث نمبر: 477

نیک لوگوں کی دنیا سے حفاظت کی جاتی ہے :عَلَّامَہ مُلَّا عَلِی قَارِی عَلَیْہِ رَحْمَۃُ اللہِ الْبَارِیفرماتے ہیں : ” یہ مثال کمتر اور حقیر ہونے کے لیے دی گئی ہے مراد یہ ہے کہ اگراللہ عَزَّ وَجَلَّکے نزدیک دنیا کی حیثیت تھوڑی سی بھی ہوتی تو وہ کافر کو دنیا کے پانی میں سے ایک گھونٹ بھی نہ پلاتا یعنی کافر کو اس دنیا کی ادنیٰ اور معمولی چیز سے بھی فائدہ اٹھانے نہیں دیتا کیونکہ کافراللہ عَزَّ وَجَلَّکا دُشمن ہے اور دشمن کو کوئی بھی قابلِ قدر شئے نہیں دی جاتی ( اسی لئےاللہ عَزَّوَجَلَّنے اپنے دشمنوں کوتو دنیا جیسی بے وقعت ، حقیر شے دیتاہے ) مگر اپنے ولیوں کو دنیا نہیں دیتا ۔ اس دنیا کے حقیر اورنا پسندیدہ ہونے ہی کی وجہ سے کفار پر دنیا کی آسائشوں اور مال و دولت کی کثرت کی گئی ہے ۔اللہ عَزَّ وَجَلَّارشاد فرماتا ہے :وَ لَوْ لَاۤ اَنْ یَّكُوْنَ النَّاسُ اُمَّةً وَّاحِدَةً لَّجَعَلْنَا لِمَنْ یَّكْفُرُ بِالرَّحْمٰنِ لِبُیُوْتِهِمْ سُقُفًا مِّنْ فِضَّةٍ وَّ مَعَارِجَ عَلَیْهَا یَظْهَرُوْنَۙ(۳۳)(پ۲۵ ،الزخرف: ۳۳ )ترجمۂ کنزالایمان: اور اگر یہ نہ ہوتا کہ سب لوگ ایک دین پر ہوجائیں تو ہم ضرور رحمٰن کے منکِروں کے لیے چاندی کی چھتیں اور سیڑھیاں بناتے جن پر چڑھتے ۔ ( )
 
یعنی اگر اس کا لحاظ نہ ہوتا کہ کافروں کو فراخیٔ عیش میں دیکھ کر سب لوگ کافر ہوجائیں گے ۔ ( تو کافروں کے لیے چاندی کی چھتیں اور سیڑھیاں بنادی جاتیں ) ۔ ( )
¥دنیا آخرت تک پہنچنے کا راستہ ہے :عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللہِ الْقَوِیفرماتے ہیں : ” بیشک یہ دنیا مقصود نہیں بلکہ یہ تومقصود یعنی آخرت تک پہنچنے کا ذریعہ ہے ۔ اسی طرح یہ دنیا رہائش گاہ اور جزا کا گھر نہیں بلکہ یہ تو ایسا گھر ہے جس سے منتقل اور روانہ ہونا ہے اوراللہتعالیٰ نے دنیا کی زیادہ تر نعمتیں کفار و فساق کی ملکیت میں دی ہیں اور انبیاء کرامرَحِمَہُمُ اللہُ السَّلَاماور اُن کے وُرَثاء یعنی علماءِ کرام کی اِس دنیا سے حفاظت فرمائی ہے ۔ اور عبرت حاصل کرنے والے کے لئے یہ حدیث کافی ہے کیونکہ اس میں دنیا کی کمتری ، اس کے قابلِ نفرت ہونے اور اس کے چاہنے والوں کے ناپسندیدہ ہونے کا بیان ہے ۔ “ ( )مدنی گلدستہ
’’یانبی ‘‘ کے 5حروف کی نسبت سے حدیثِ مذکور اور
اس کی وضاحت سے ملنے والے 5مدنی پھول
(1)اللہ عَزَّ وَجَلَّکے نزدیک دنیا مچھر کے پَر سے بھی زیادہ حقیر ہے ۔
(2) اگراللہ عَزَّ وَجَلَّکے نزدیک دنیا کی کچھ بھی وقعت ہوتی توکفارکو اس میں سے پانی کا ایک گھونٹ بھی نہ ملتا کیونکہ دشمنوں کو وقعت والی چیز نہیں دی جاتی ۔
(3)اللہ عَزَّ وَجَلَّاپنے اولیا اور پسندیدہ بندوں کو دنیا سے دور رکھتا ہے ۔
(4) دنیاوی نعمتیں نہ ملنے پر مغموم ہونے کے بجائے یہ ذہن بنایا جائے کہ اگر دنیا اچھی ہوتی تواللہ عَزَّ وَجَلَّکے نیک بندوں کو ضرور دی جاتی ، مگرانہیں اِس سے دُور رکھا گیا کہ یہ بے وقعت وحقیر شے ہے ۔
(5) دنیا دارُالقرار نہیں دارُالعمل ہے ، دارُالقرار اور جائے سُرور تو جنت ہے ۔
 اللہ عَزَّ وَجَلَّہمیں آخرت کی تیاری كرنے کی توفیق عطافرمائے ۔صَلُّوْا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد