زھد و فقر کی فضیلت - فیضان ریاض الصالحین - حدیث نمبر: 464

اللہ عَزَّ وَجَلَّکے نزدیک دنیا کی کوئی حیثیت نہیں :مذکورہ حدیث پاک میں اِس بات کو بیان کیا گیا ہے کہاللہ عَزَّ وَجَلَّکے نزدیک دنیا کی کوئی حیثیت نہیں ، جس دنیا کے لیے اِنسان مارا مارا پھرتا ہےاللہتعالیٰ کے نزدیک یہ بکری کے مردار بچے سے بھی زیادہ
 
حقیر و ذلیل ہے ۔عَلَّامَہ مُلَّا عَلِی قَارِی عَلَیْہِ رَحْمَۃُ اللہِ الْبَارِیفرماتے ہیں : ” اِس حدیث پاک سے مقصود یہ ہے کہ دنیا میں زُہد اختیار کیا جائے ( یعنی دنیا کو ترک کیا جائے ) اور آخرت میں رغبت کی جائے کیونکہ دنیا کی محبت ہر بُرائی کی جڑ ہے جیساکہ دنیا کو ترک کرنا ہر عبادت کی اصل ہے اور یہ اس وجہ سے کہا گیا ہے کہ دنیا سے محبت کرنے والا اگر کسی دینی کام میں بھی مشغول ہو پھر بھی اس کے اعمال میں اغراض فاسدہ شامل ہوتی ہیں جبکہ دنیا کو ترک کرنے والا اگر کسی دنیاوی کام میں بھی مشغول ہو تب بھی وہ آخرت کی بہتری کا خواہشمند ہوتا ہے ۔ اسی لیے صوفیاءِ کرامرَحِمَہُمُ اللہُ السَّلَامفرماتے ہیں : ” دنیا سے محبت کرنے والے کو تمام جہان کے مرشد بھی ہدایت نہیں دے سکتے اور دنیا ترک کرنے والے کو تمام جہان کے شیاطین بھی گمراہ نہیں کرسکتے ۔ “ ( )مدنی گلدستہ
’’مکہ ‘‘ کے 3حروف کی نسبت سے حدیثِ مذکور اور
اس کی وضاحت سے ملنے والے 3مدنی پھول
(1)دنیااللہ عَزَّ وَجَلَّکے نزدیک بکری کے مردار اوربے قیمت حقیربچے سے بھی زیادہ ذلیل ہے ۔
(2) دنیا کی محبت ہر بُرائی کی جڑ اور ترکِ دنیا ہر عبادت کی اصل ہے ۔
(3) دنیا سے محبت کرنے والا شیطان کے جال میں پھنس جاتاہے جبکہ دنیا ترک کرنے والا شیطان کے ہتھکنڈوں سے محفوط رہتا ہے ۔اللہ عَزَّ وَجَلَّہمیں دنیا کی محبت سے بچائے اور فکر آخرت نصیب فرمائے ۔صَلُّوْا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد