باب :نبی صلی الله علیہ وسلم پر درود پڑھنے کی فضیلت - مرآۃ المناجیح شرح مشکوٰۃ المصابیح - حدیث نمبر: 932

۱∞؎یعنی درود کا پورا ثواب ملےاور دعا پورے طور پر قبول ہو،نیز ہر مراد حاصل ہو۔
۲؎حضور نبی بھی ہیں اور امی بھی۔ نبی کے معنی ہیں غیب کی خبر دینے والا یا امت کی خبر رکھنے والا یا بے کسوں کی خبر لینے والا یا بڑی شان والا۔ یہ لفظنَبَاءٌسے بنا یانَبُوَّۃٌسے۔ شریعت میں نبی وہ انسان ہے جس پر وحی کی جائے تبلیغ کا حکم ہو یا نہ ہو رسول وہ ہیں جن پر وحی بھی ہو اور تبلیغ کا حکم بھی۔ امّی ام کی طرف منسوب ہے بمعنی ماں یا اصل حضور کے امی ہونے کے یہ معنی ہیں کہ آپاُمُّ القُریٰیعنی مکہ معظمہ کے رہنے والے ہیں، مکہ معظمہ ساری زمین کی اصل ہے لہذااُمُّ القُریٰکہلاتا ہے یا یہ کہ آپ بغیر کسی سے سیکھے شکم مادر سے عالمعارف باللهپیدا ہوئے یا یہ کہ آپام الکتابیعنی لوح محفوظ کے عالم و حافظ ہیں، آپ بڑی شاندار ماں کے فرزند ہیں کہ آمنہ خاتون جیسی ماں نہ کوئی ہوئی نہ ہو رَضِيَ اللهُ عَنْهَا۔ سیدنا آمنہ خاتون کے فضائل ہماری کتاب تفسیر نعیمی جلد اول میں دیکھو۔
۳؎یہ عطف تفسیری ہے کیونکہ حضور علیہ السلام کی بیویاں اور اولاد ہی تو اہل بیت ہیں، حضور علیہ السلام کی ساری بیویاں عزت و احترام اور نکاح کی حرمت کے لحاظ سے مسلمانوں کی مائیں ہیں اگرچہ ان سے پردہ واجب، ان کی میراث کا استحقاق نہیں، ان کی اولاد سے امت کا نکاح جائز یعنی وہ بہنیں نہیں۔
۴؎آل ابراہیم میں حضور بھی داخل ہیں لہذا اس کلمے میں بھی حضور پر درود ہوا۔