باب :بارش مانگنے کابیان - مرآۃ المناجیح شرح مشکوٰۃ المصابیح - حدیث نمبر: 1508

۱∞؎یعنی بارش کا زمانہ ہے اورنہیں آتی۔اس سے دو مسئلےمعلوم ہوئے:ایک یہ کہ قحط کی شکایت حضورصلی الله علیہ وسلم سےکرسکتے ہیں تاکہ حضورصلی الله علیہ وسلم سفارش کریں اور ہماری بگڑی بن جائے،رب تعالٰی خودحضورصلی الله علیہ وسلم سے بندوں کی شکایت کرتا ہے، فرماتا ہے:"اُنۡظُرْکَیۡفَ ضَرَبُوۡا لَكَ الۡاَمْثَالَ"۔دوسرے یہ کہ صحابہ کبارحضورصلی الله علیہ وسلم کو بارگاہِ الٰہی میں اپنا بڑا وسیلہ جانتے تھے وہ سمجھتے تھے کہ ہمارے اعمال کی مقبولیت یقینی نہیں حضورصلی الله علیہ وسلم یقینًا مقبول ہیں،اسی لیے وہ ایسےموقعوں پر خود نمازیں اور دعائیں ادا نہ کرلیتے تھے بلکہ دوڑے ہوئے حضورصلی الله علیہ وسلم کی بارگاہ میں آتے تھے،حالانکہ انہوں نے قرآن میں یہ آیت پڑھی تھی"ادْعُوۡنِیۡۤ اَسْتَجِبْ لَکُمْ"۔اس سے وہ لوگ عبرت پکڑیں جوکہتے ہیں کہ انبیاءواولیاء کے وسیلہ کی کوئی ضرورت نہیں اپنے اعمال کا وسیلہ پکڑو گویا ان کےنزدیک ان کے اعمال حضور صلی الله علیہ وسلم سے زیادہ مقبول ہیں۔۲؎کہ فلاں دن تم سب وہاں جمع ہوکر جاؤ ہم بھی پہنچ جائیں گے،شاید قبولیت کی گھڑی اسی دن میں ہوگی جیسے کہ یعقوب علیہ السلام نے اپنے لڑکوں سے فرمایا تھا"سَاَسْتَغْفِرُلَکُمْ"یعنی تمہارےلیئے دعائے مغفرت ابھی نہیں پھر کروں گا۔۳؎لہذا تم میرے وسیلہ سے دعا کررہے ہو میں تمہارےلیئے دعا اور شفاعت کرتا ہوں اسی لیے حضورصلی الله علیہ وسلم نے اس دن یوں نہیں فرمادیا کہ جاؤ خود دعائیں مانگ لومیرے پاس کیوں آئے۔۴؎اس سےمعلوم ہوا کہ دعا سے پہلے الله کی حمد اپنی فقیری اورنیازمندی کا اظہارسنت ہے۔خیال رہے کہ حضورصلی الله علیہ وسلم بارگاہ الٰہی میں اپنےلیئے جوکلمے چاہیں استعمال کریں لیکن اگرکوئی اورحضورصلی الله علیہ وسلم کو فقیر کہے تو کافر ہوگا۔(عالمگیری)حضورصلی الله علیہ وسلم تو وہ غنی داتا ہیں جن کی گلیوں میں تاجدار بھیک مانگتے پھرتے ہیں۔شعر
اس گلی کاگدا ہوں میں جس میں مانگتے تاجدار پھرتے ہیں
وہ تو باذن الله غنی ہیں،غنی گر ہیں۔رب تعالٰی فرماتا ہے:"اَغْنٰہُمُ اللّٰہُ وَرَسُوۡلُہٗ مِنۡ فَضْلِہٖ"۔رب سے مانگنا بندے کی شان ہے،اس کے سب فقیر ہیں۔۵؎حضورصلی الله علیہ وسلم نے آج خطبہ اور دعا پہلے پڑھی اورنماز بعدمیں۔غالبًا اس لیے کہ جب آپ جنگل پہنچتے ہیں تو سورج نکل رہا تھا وقت مکروہ تھا ورنہ خطبۂ استسقاء اور دعا نماز کے بعد ہوتی ہے جیساکہ گزشتہ روایات سےمعلوم ہوا۔۶؎ہنسنے سے مراد تبسم اورمسکرانا ہے نہ ٹھٹھا مارنا اور قہقہ کیونکہ حضورصلی الله علیہ وسلم قہقہہ مارکرکبھی نہ ہنسے،حضور صلی الله علیہ وسلم کا یہ تبسم خوشی اورتعجب کا تھاکہ ابھی تو یہ لوگ بارش مانگ رہے تھے جب آئی تو بھاگ رہے ہیں۔نواجذجمعناجذةکی ہے۔ناجذہدانتوں کی کیلوں کوبھی کہتے ہیں اور آخری داڑھ کوبھی یعنی عقل داڑھ۔۷؎معلوم ہوا کہ بارش حضورصلی الله علیہ وسلم کا معجزہ تھی اور آپ کی نبوت کی دلیل،یعنی آج حضورصلی الله علیہ وسلم نے اپنی نبوت صحابہ کو آنکھوں سے دکھادی اس کی عینی گواہی دی اور دلوائی۔