باب : قرآنی سجدے - مرآۃ المناجیح شرح مشکوٰۃ المصابیح - حدیث نمبر: 1037

۱∞؎یعنی مؤمنین،مشرکین،انسان،جن جو بھی وہاں حاضر تھے سب سجدے میں گر گئے۔اس کی وجہ پہلے بیان ہوچکی کہ چونکہ سورۂوالنجممیں یہاں لات و عزیٰ کا بھی ذکر ہے۔اس لیے مشرکین نے ان کی تعظیم کرتے ہوئے سجدہ کیا یا اس وقت حضور صلی الله علیہ وسلم کی تلاوت میں ایسی ہیبت تھی کہ مشرکین بھی بے اختیار سجدے میں گر گئے۔ یا اس وقت شیطان نے بتوں کی تعریف کی،مسلمان تو حضور علیہ الصلوۃ والسلام کی آواز پر سجدے میں گرے ا ور کفار شیطان کی آواز پر۔یہ محض باطل ہے کہ حضور صلی الله علیہ وسلم کی زبان پر بے اختیار اس وقت بتوں کی آواز آگئی،نعوذ بالله،امام عسقلانی نے شرح بخاری میں شیطان والے قصہ کو ثابت کیا ہے،رب تعالٰی نے فرمایا:"اَلْقَی الشَّیۡطٰنُ فِیۡۤ اُمْنِیَّتِہ"۔
۲؎اس کی یہ حرکت غرور و تکبر کے لیے تھی کہ سب کے ساتھ میرا سجدہ کرنا میری شان کے خلاف ہے۱۲
۳؎یعنی جن مشرکین نے آج سجدہ کیا تھا وہ سب بعد میں اسلام لے آئے جس نے سجدہ نہ کیا وہ کافر ہی مارا گیا۱۲
۴؎جو بدر میں مسلمانوں کے ہاتھوں بری طرح مارا گیا جیسے یہ حضرت بلال کو برچھیوں اور نیزوں سے چھیدا کرتا تھا اسی طرح بدر میں صورت یہ بنی کہ اسے چھید چھید کر ہی مارنا پڑا کیونکہ ایک صحابی رضی الله عنہ نے ایفائے عہد کرتے ہوئے اسے بچانے کے لیے خود کو اس کے اوپر ڈال دیا تھا اور اس کا بھائی ابی بن خلف جنگ احد میں حضور صلی الله علیہ وسلم کے ہاتھوں مارا گیا حضور صلی الله علیہ وسلم نے اپنے ہاتھ سے صرف اسی کو قتل فرمایا ہے۱۲