باب: بُھوک اور ترکِ خواہِشَات کی فضیلت کا بیان - فیضان ریاض الصالحین - حدیث نمبر: 521

حضورعَلَیْہِ السَّلَامکی دنیا سے بے رغبتی:حدیثِ مذکور میں بھی حضور نبی کریم رَءُوْفٌ رحیمصَلَّی اللہ تَعَالٰی عَلَیْہِ وَاٰلِہٖ وَسَلَّماور آپ کے اصحاب کی دنیا سے بےر غبتی کا بیا ن ہے کہ وہ حضرات بھوکے پیاسے رہ کر، انتہائی سادگی کے ساتھ بہت کامیاب زندگی گزار گئے اور دنیا کو پیغام دے گئے کہ ہر حال میں اپنے رب سے راضی رہنا چاہیے،غربت ومحتاجی میں بھی دِین کا کام کرتے رہنا چاہیے۔اللہ عَزَّ وَجَلَّہمیں ان کاصدقہ عطافرمائے ۔آمین۔دنیا نیک لوگوں کے لیے نہیں:حدیث مذکور سے معلوم ہواکہ دنیا کو انبیائے کرامعَلَیْہِمُ السَّلَامسے روک دیا جاتا ہے یہاں تک کہ وہ حضرات بھوک پیاس کی صعوبتیں برداشت کرتے ہیں اور ان کی یہ صعوبتیں اختیاری ہوتی ہیں، جیسا کہ نبی کریم، رَءُوْفٌ رحیمصَلَّی اللہ تَعَالٰی عَلَیْہِ وَاٰلِہٖ وَسَلَّمکویہ اختیار دیا گیا کہ چاہیں تو نبی بندہ بنیں، چاہیں تو نبی بادشاہ، آپ نے نبی بندہ ہونے کو اختیار فرمایا۔آپصَلَّی اللہ تَعَالٰی عَلَیْہِ وَاٰلِہٖ وَسَلَّمپر دنیا پیش کی گئی تو آپ نے اُسے ٹھکرادیا اور اُخروی نعمتوں کواختیار فرمایا تاکہ آپ کی اُمَّت اس معاملہ میں آپ کی پیروی کرے اور دنیا سے بے رغبتی اختیار کرنے میں آپ کی اتباع کرے۔ نیز یہ بھی پتا چلا کہ جب مہمان گھر پر آئے تو اِحتراماً اور اَخلاقاً باہر نکل کر اُس کا استقبال کرنا چاہیے۔ نیز پیٹ بھر کر کھانا کھانا بھی جائز ہے اگر چہ بعض اوقات شکم سیری ترک کرنا افضل ہے جیسا کہ ایک روایت میں ہے:”قیامت کے دن سب سے زیادہ بھوکا وہ ہوگا جو دنیا میں زیادہ پیٹ بھرتا ہوگا۔“علامہ طبریعَلَیْہِ رَحْمَۃُ اللہ الْقَوِیفرماتے ہیں کہ پیٹ بھر کر کھانا اگر چہ جائز ہے لیکن اس کی بھی ایک حد ہے اور اس حد سے آگے بڑھنا حرص ہے۔کھانا کھانے کی حد یہ ہے کہ اتنی مقدار میں کھانا کھائے جو رَبّعَزَّوَجَلَّکی اطاعت میں معاون ہواوراتنا زیادہ نہ کھائے کہ بوجھل ہوکرفرائض و واجبات کی ادائیگی سے غافل ہوجائے۔ بندۂ مومن پراللہ عَزَّوَجَلَّکا یہ حق ہے کہ وہ اتنا نہ کھائے پئے جس سے بھوک ختم ہوجائے اور پیاس بجھ جائے۔(یعنی بھوک سے کم کھائے پئے۔)حدیث مذکور سےماخوذ فوائدو مسائل:حدیث شریف میں ہے کہ جب حضرت سیدنا انسرَضِیَ اللہ تَعَالٰی عَنْہُحضور سید عالَمصَلَّی اللہ تَعَالٰی عَلَیْہِ وَاٰلِہٖ وَسَلَّمکی بارگاہ میں حاضر ہوئے تو حضورصَلَّی اللہ تَعَالٰی عَلَیْہِ وَاٰلِہٖ وَسَلَّمنے انہیں بتادیا کہ تمہیں ابو طلحہرَضِیَ اللہ تَعَالٰی
عَنْہُنے بھیجا ہے اور کھانے کے لیے بھیجا ہے۔ اس سے پتا چلا کہ آپصَلَّی اللہ تَعَالٰی عَلَیْہِ وَاٰلِہٖ وَسَلَّمعلمِ غیب جانتے ہیں۔اِمَام نَوَوِی عَلَیْہِ رَحْمَۃُ اللّٰہِ الْقَوِیفرماتے ہیں:”ان دونوں باتوں کی خبر دینا نبوت کی نشانیوں میں سےدو نشانیاں ہیں۔ پھر صحابہ کرامعَلَیْہِمُ الرِّضْوَانکے ہجوم کو ان کے گھر لے چلنا یہ تیسری نشانی ہے اور تھوڑے سے کھانے کو بہت زیادہ کردینا یہ چوتھی نشانی ہے۔ یہ بھی پتا چلا کہ انبیائے کرامعَلَیْہِمُ السَّلَامکا بھوک وغیرہ مصائب میں مبتلا ہونا اس لیے ہوتا ہے کہ وہ ان مصائب پر صبر کریں اور اُن کے درجات و اجر میں اضافہ ہو۔ یہ بھی معلوم ہواکہ ایک دوسرے کو تحفے بھیجنے چاہئیں، اگرچہ جس شخصیت کو تحفہ دیا جارہا ہے تحفہ اس کے شایانِ شان نہ ہو کیونکہ چھوٹا تحفہ ہونا نہ ہونے سے بہتر ہے۔ یہ بھی پتا چلا کہ عالِم کو چاہیے کہ وہ لوگوں کے درمیان بیٹھے تاکہ انہیں دِین کی باتیں بتاکر فائدہ پہنچائے اور انہیں اخلاقی تربیت دے اوراس مجلس کا مسجد میں ہونا مستحب ہے۔“اُمِّ سُلَیمرَضِیَ اللہ تَعَالٰی عَنْہِاکی عظمت ودانش مندی:جب حضرت سیدنا ابو طلحہرَضِیَ اللہ تَعَالٰی عَنْہُنے گھبرا کر حضرت اُم سُلیمرَضِیَ اللہ تَعَالٰی عَنْہِاسے کہا کہ اے اُم سُلیم! حضورصَلَّی اللہ تَعَالٰی عَلَیْہِ وَاٰلِہٖ وَسَلَّمکے ہمراہ کثیر صحابہ کرام بھی آرہے ہیں اب کیا ہوگا کھانا تو بہت کم ہے؟ تو انہوں نے جواب دیا:”اللہ عَزَّ وَجَلَّاور اُس کا رسولصَلَّی اللہ تَعَالٰی عَلَیْہِ وَاٰلِہٖ وَسَلَّمبہتر جانتے ہیں۔“ آپ کا یہ جواب آپ کی عظمت اور دانشمندی کی بہت بڑی دلیل ہے کہ جب حضورصَلَّی اللہ تَعَالٰی عَلَیْہِ وَاٰلِہٖ وَسَلَّمکو کھانے کی مقدار کا علم ہے پھر بھی آپ اتنے بڑے مجمع کو لےکر آ رہے ہیں تو یقیناً اس میں کوئی مصلحت ہوگی، اگر اس میں کوئی مصلحت نہ ہوتی تو حضورصَلَّی اللہ تَعَالٰی عَلَیْہِ وَاٰلِہٖ وَسَلَّمکبھی ایسا نہ کرتے لہٰذا اے ابو طلحہ !تم غم نہ کرو۔اللہ عَزَّ وَجَلَّاور اس کا رسولصَلَّی اللہ تَعَالٰی عَلَیْہِ وَاٰلِہٖ وَسَلَّمبہتر جانتے ہیں ۔“صَلُّوْا عَلَی الْحَبِیْب! صَلَّی اللہ تَعَالٰی عَلٰی مُحَمَّدمدنی گلدستہجنت کے 8 دروازوں کی نسبت سے حدیثِ مذکور اور اس کی وضاحت سے ملنے والے8مدنی پھول
(1)اللہ عَزَّوَجَلَّاپنے نیک بندوں سے دنیا کو دُور کردیتا ہے، انہیں مصائب میں مبتلاکیاجاتاہے تاکہ وہ ان مصائب پر صبر کریں اور ان کے درجات مزید بلندہوں ۔
(2) سرکارصَلَّی اللہ تَعَالٰی عَلَیْہِ وَاٰلِہٖ وَسَلَّمنہ صرف لوگوں کے دلوں کے حالات جانتے ہیں بلکہ بسا اوقات ان کی دلی حالت کو ان پر ظاہر بھی فرمادیتے ہیں۔
(3) ہمارے پیارے آقا مدینے والے مصطفےٰصَلَّی اللہ تَعَالٰی عَلَیْہِ وَاٰلِہٖ وَسَلَّماور آپ کے اصحاب نے دنیا سے بے رغبتی اختیار فرمائی لہٰذا ہمیں بھی چاہیے کہ ہم حضورصَلَّی اللہ تَعَالٰی عَلَیْہِ وَاٰلِہٖ وَسَلَّمکی پیروی کریں اور اس دنیا کے پیچھے ذلیل و خوار نہ ہوں جو نصیب میں ہے وہ مل کر رہے گا۔
(4) میزبان کو چاہیے کہ جب کوئی مہمان آئے تو گھر سے باہر آکر اُس کا استقبال کرے۔
(5) کھانا اتنی مقدارمیں کھانا چاہیے جو فرائض و واجبات کی ادائیگی میں معاون ہو، اتنا زیادہ نہ کھایاجائے کہ جسم بوجھل ہوجائے اور عبادت کی ادائیگی میں سُستی ہو۔
(6) آپس میں تحفے وغیرہ بھیجنے چاہئیں چاہے تحفہ چھوٹا ہی کیوں نہ ہو،کچھ ہونا نہ ہونے سے بہتر ہے۔
(7) عالم کو چاہیے کہ وہ لوگوں کے درمیان بیٹھے تاکہ لوگ دینی مسائل سیکھیں اورتربیت حاصل کریں۔
(8) حضرت سیدنااُمِّ سُلَیمرَضِیَ اللہ تَعَالٰی عَنْہِابہت ہی ذہین و فطین خاتون تھیں سرکارصَلَّی اللہ تَعَالٰی عَلَیْہِ وَاٰلِہٖ وَسَلَّمکی حکمتِ عملی کو پہچان جایا کرتی تھیں۔اللہ عَزَّوَجَلَّہمیں پیٹ کا قفل مدینہ لگانے اور کم کھانے کا عادی بنائے۔آمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللہ تَعَالٰی عَلٰی مُحَمَّد