باب: بُھوک اور ترکِ خواہِشَات کی فضیلت کا بیان - فیضان ریاض الصالحین - حدیث نمبر: 518

غزوۂ سیف البحر:اس سریہ کو حضرت امام بخاریرَحْمَۃُ اللہ تَعَالٰی عَلَیْہنے ”غزوہ سیف البحر“ کے نام سے ذکر کیا ہے۔ ”رجب ۸ہجری میں حضورصَلَّی اللہ تَعَالٰی عَلَیْہِ وَاٰلِہٖ وَسَلَّمنے حضرت ابوعبیدہ بن جراحرَضِیَ اللہ تَعَالٰی عَنْہُکو تین سو صحابہ کرامرَضِیَ اللہ تَعَالٰی عَنْہُمْکے لشکر پر امیر بناکر ساحل سمندر کی جانب روانہ فرمایاتاکہ یہ لوگ قبیلہ جہینہ کے کفار کی شرارتوں پر نظر رکھیں، اس لشکر میں خوراک کی اس قدر کمی پڑگئی کہ امیرلشکر مجاہدین کو روزانہ ایک ایک کھجور راشن میں دیتے تھے۔ یہاں تک کہ ایک وقت ایسا بھی آگیا کہ یہ کھجوریں بھی ختم ہوگئیں اور لوگ بھوک سے بے چین ہوکر درختوں کے پتے کھانے لگے یہی وجہ ہے کہ عام طورپر مؤرخین نے اس سَرِیّہ کا نام ”سَرِ یَّۃُ الخَبَط“یا ”جَیْشُ الْخَبَط“ رکھا ہے۔ ”خَبَط“عربی زبان میں درخت کے پتوں کو کہتے ہیں۔ چونکہ مجاہدینِ اسلام نے اس سریہ میں درختوں کے پتے کھاکر جان بچائی اس لئے یہسَریَۃُ الْخَبَطکے نام سے مشہور ہوگیا۔حضرت جابررَضِیَ اللہ تَعَالٰی عَنْہُکا بیان ہے کہ ہم لوگوں کو اس سفر میں تقریباً ایک مہینہ رہنا پڑا اور جب بھوک کی شدت سے ہم لوگ درختوں کے پتے کھانے لگے تواللہتعالیٰ نے غیب سے ہمارے رزق کا یہ سامان پیدا فرما دیا کہ سمندر کی موجوں نے ایک اتنی بڑی مچھلی ساحل پر پھینک دی،جو ایک پہاڑی کے مانند تھی چنانچہ تین سو صحابہرَضِیَ اللہ تَعَالٰی عَنْہُمْاٹھارہ دنوں تک(بعض روایتوں میں پورا مہینہ اور بعض میں پندرہ دن) اس مچھلی کا گوشت کھاتے رہے اور اس کی چربی اپنے بدن پر ملتے رہے اور جب وہاں سے روانہ ہونے لگے تو اس کا گوشت کاٹ کاٹ کر مدینہ تک لائے اور جب یہ لوگ بارگاہ ِنبوت میں پہنچے اور حضورصَلَّی اللہ تَعَالٰی عَلَیْہِ وَاٰلِہٖ وَسَلَّمسے اِس کا تذکرہ کیا تو آپ نے ارشاد فرمایا کہ ”یہاللہتعالیٰ کی طرف سے تمہارے لئے رِزق کا سامان ہوا تھا۔“پھر آپصَلَّی اللہ تَعَالٰی عَلَیْہِ وَاٰلِہٖ وَسَلَّمنے اس مچھلی کا گوشت طلب فرمایا اور اس میں سے کچھ تناول بھی فرمایا ۔
میٹھے میٹھے اسلامی بھائیو!حدیثِ مذکور میں اس بات کا بیان ہے کہ صحابہ ٔکرامعَلَیْہِمُ الرِّضْوَانپر ایسے دن بھی آئے کہ انہوں نے ایک ایک کھجور پر سارا سارا دن گزار دیا اور جب کھجوریں بھی ختم ہوگئیں تو انہوں نے درخت کے پتے پانی میں بِھگو بِھگو کر کھائے یہ اُن حضرات کی دنیا سے بے رغبتی اور بھوک پر صابر و شاکِر رہنے کی عظیم مثال ہے۔راہِ خدا میں سفر کی برکتیں:شیخ طریقت، امیر اہلسنت حضرت علامہ مولانا ابو بلال محمد الیاس عطار قادری رضویدَامَتْ بَرَکَاتُہُمُ الْعَالِیَہفرماتے ہیں: ”میٹھے میٹھے اسلامی بھائیو!جَیشُ الْعْسْرَۃکے موقع پر قد آوَر مچھلی کا مِل جانا، ایک ماہ تک صحابہ ٔ کرامعَلَیْہِمُ الرِّضْوَانکا اس کو تناوُل فرمانا، اونٹوں پر لاد کر ساتھ لانا، مدینہ منوّرہ بھی ساتھ لے آنا، مچھلی کے گوشت کے ذائقے میں تغیُّر نہ آنا یہ سباللہ عَزَّوَجَلَّکی رَحْمت سے سیِّدُنا ابو عُبَیْدہ بن جَرّاحرَضِیَ اللہ تَعَالٰی عَنْہُاورصحابہ ٔکرامعَلَیْہِمُ الرِّضْوَانکی بَرَکتیں اور کرامتیں تھیں۔ راہِ خدا میں جو بھی سفر کرتا ہے،اللہ عَزَّوَجَلَّکی اُس پر خوب رحمتیں ہوتی ہیں،مصیبتوں میں بھی عظمتیں حاصِل ہوتی ہیں اور راحتیں تو پھر ہیں ہی راحتیں ۔ ہر مسلمان کو صحابہ ٔکرامعَلَیْہِمُ الرِّضْوَانکی ان عظیم قربانیوں سے دَرْس حاصل کرتے ہوئے اسلام کی خدمت کیلئے کمربَستہ رہنا چاہیے ۔“مری ہوئی مچھلی کا حکم:حدیث پاک میں جس مچھلی کاذکر ہے اسے سمندر نے زندہ ہی خشکی پر پھینکا تھا پھر وہ خشکی پر آکر مری اور ایسی مچھلی حلال ہے۔ہاں! جو مچھلی پانی ہی میں مر کر الٹی تیر نے لگے وہ حرام ہے۔مرآۃ المناجیح میں ہے:”دریا نے مچھلی کنارہ پرپھینکی وہ خشکی میں آکر مرگئی (وہ حلال ہے)ورنہ جو مچھلی دریا میں مرکر تَر(یعنی تیر) جائے وہ حرام ہے۔“ بہارشریعت میں ہے: ’’جومچھلی پانی میں مرکرتیرگئی یعنی جوبغیرمارے اپنے آپ مرکرپانی کی سطح پر الٹ گئی وہ حرام ہے، مچھلی کو مارا اور وہ مرکرالٹی تیرنے لگی، یہ حرام نہیں۔‘‘مدنی گلدستہ’’سیف البحر‘‘کے8حروف کی نسبت سے حدیثِ مذکور اور اس کی وضاحت سے ملنے والے8مدنی پھول
(1) صحابہ ٔکرامعَلَیْہِمُ الرِّضْوَانکی زندگیاں ہمارے لیے مشعل راہ ہیں۔
(2) راہِ خداعَزَّوَجَلَّمیں ایسا بھی وقت آیا کہ صحابہ ٔکرامعَلَیْہِمُ الرِّضْوَانایک کھجور پر بھی گزارہ کر کے صبر کرتے تھے ہمیں بھی چاہیے کہ ہر حال میںاللہ عَزَّوَجَلَّکا شکر بجالائیں۔
(3) صحابہ ٔکرامعَلَیْہِمُ الرِّضْوَاندنیا سے بے رغبت رہتے اور دنیا سے کم چیزوں پر اکتفا کرتے۔
(4) دوران ِسفر اگر باہم رضا مندی ہو تو سب کو اپنا کھانا ملا لینا چاہیے کہ مل کر کھانے میں برکت ہوتی ہے۔
(5) ہمیں بھی صحابہ ٔکرامعَلَیْہِمُ الرِّضْوَانکی قربانیوں سے سبق حاصل کرتے ہوئے راہِ خدا میں دِین اسلام کی ترویج واِشاعت کے لیے سفر کرنا چاہیے ۔
(6)اللہ عَزَّوَجَلَّاپنی راہ میں سفر کرنے والوں کی مشکلیں آسان فرمادیتا ہے۔
(7) سمندر کے جانوروں میں صرف مچھلی حلال ہے باقی سمندر کا ہر جانور حرام ہے۔
(8) جو مچھلی پانی کے اندر بغیر کسی ظاہری سبب کے مر کر اُلٹی تیر جائے وہ حرام ہے۔اللہ عَزَّوَجَلَّسے دعا ہے کہ وہ ہمیں ہر حال اپنا شکر ادا کرنے کی توفیق عطا فرمائے،دارَین کی سعادتیں عطافرمائے۔آمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللہ تَعَالٰی عَلٰی مُحَمَّد