باب: بُھوک اور ترکِ خواہِشَات کی فضیلت کا بیان - فیضان ریاض الصالحین - حدیث نمبر: 520

حضورعَلَیْہِ السَّلَاماور صحابہ کی دنیا سے بے رغبتی:میٹھے میٹھے اسلامی بھائیو!حدیثِ مذکور سے پتہ چلا کہ نبی کریمصَلَّی اللہ تَعَالٰی عَلَیْہِ وَاٰلِہٖ وَسَلَّماور صحابہ ٔ کرامعَلَیْہِمُ الرِّضْوَاندنیا سے کس قدر بے رغبت رہتے تھے۔ یہ نفوسِ مقدسہ کبھی دنیا کے طالب نہ ہوئے۔ جبھی تو اُن کے پاس کچھ کھانے کے لیے نہ ہوتا تھا۔ اگر وہ دنیا میں رغبت رکھتے تو ضرور اُن کے پاس مال ہوتا اور کبھی بھی انہیں کھانا نہ ہونے کی وجہ سے بھوکا نہ رہنا پڑتا نیز اُن کی بھوک اتنی شدت اختیار کر جاتی تھی کہ انہیں اپنے پیٹ پر پتھر باندھنا پڑتے تھے ۔پیٹ پر پتھر باندھنے کی وجہ :
*علامہ بدرالدین عینیرَحْمَۃُ اللہ تَعَالٰی عَلَیْہفرماتے ہیں:” بھوک کی وجہ سے پیٹ سکڑ کر اندر چلا جاتا ہے تو پیٹ پر پتھر باندھا جاتا ہے تاکہ کمر کے جھکاؤ کو ختم کیا جائے، کیونکہ جب کسی شخص کی بھوک شدت اختیار کرجائے تو اُس کی کمر جھک جاتی ہے۔ علامہ کرمانیقُدِّسَ سِرُّہُ النُّوْرَانِیفرماتے ہیں: پیٹ پر پتھر باندھنے کا فائدہ یہ ہے کہ بھوک کی حرارت کو پتھر کی ٹھنڈک سے کم کیا جاتا ہے، یا پھر اس لیے تاکہ بندہ سیدھا کھڑا ہوسکے، یا پھر اس کا فائدہ یہ ہے کہ پتھروں کو آنتوں پر باندھا جاتا ہے جس کی وجہ سے جو کچھ پیٹ میں ہوتا ہے وہ جلدہضم نہیں ہوتا اِس لیے مزید کمزوری محسوس نہیں ہوتی۔“*مرآۃ المناجیح میں ہے:”تمام صحابہ ٔ کرام نے اور خود حضورِ اَنورصَلَّی اللہ عَلَیْہِ وَسَلَّمنے تین دن سے کچھ بھی نہیں کھایا تھا اور خندق کی کھدائی کا کام تھا،خالی پیٹ کدال اٹھانا مشکل تھا اس لیے حضورِ اَنور نے پیٹ شریف پر پتھر باندھ رکھا تھا تاکہ پیٹ کے بوجھ سے کدال چلانا آسان ہوجائے۔خیال رہے کہ اگر حضورِاَنورصَلَّی اللہ عَلَیْہِ وَسَلَّمعادۃً کچھ نہ کھائیں اس لیے کہ کھانا موجود نہ ہو تب حضورِ اقدس پر بھوک کے آثار نمودار ہوتے تھے لیکن اگر عبادۃً نہ کھاتے روزے کی نیت سے تو خواہ کتنا ہی عرصہ نہ کھاتے مطلقًا ضعف نہ ہوتا تھا،اس کے متعلق ارشاد ہے:”یُطْعِمُنِی وَیَسْقِیْنِیْ“ مجھے میرا رب کھلاتا پلاتا ہے۔ لہٰذا اَحادیث میں تعارض نہیں۔حضورِ اَنور نُور بھی ہیں بشربھی، روزے میں نورانیت کی جلوہ گری ہوتی تھی اور عادۃً نہ کھانے میں بشریت کا ظہور،دیکھو عیسیٰعَلَیْہِ السَّلَامپہلے بھی کھاتے پیتے تھے اور قریب قیامت آسمان سے آکر بھی کھائیں گے پئیں گے کیونکہ آپ بشر ہیں مگر آسمان پر قریبًا دو ہزار سال سے گئے ہوئے ہیں بغیر کھائے پیئے موجود ہیں کیونکہاللہتعالیٰ کا نور ہیں،اسی حالت میں حضورِ اَنور(صَلَّی اللہ عَلَیْہِ وَسَلَّم) نے کدال سے وہ سخت پتھر توڑا۔حدیث کا یہ مطلب میرے مرشد مولانا نعیم الدین صاحب مراد آبادی(عَلَیْہِ رَحْمَۃُ اللہ الْہَادِی)نے خواب میں مجھ کو بتایا۔‘‘لُعابِ مبارک کی برکات:اِس حدیث پاک میں حضورصَلَّی اللہ تَعَالٰی عَلَیْہِ وَاٰلِہٖ وَسَلَّمکے معجزے کا بیان ہے کہ آپصَلَّی اللہ تَعَالٰی عَلَیْہِ وَاٰلِہٖ وَسَلَّمکے لعاب ڈالنے کی برکت سے تھوڑا سا شوربا اور ایک صاع جَو کی روٹی ایک ہزار صحابہ ٔ کرامرَضِیَ اللہ تَعَالٰی عَنْہُمْکو کافی ہوگئی بلکہ اُن کے کھانے کے بعد بھی کھانا بچ گیا۔مُفَسِّرِشَہِیْرمُحَدِّثِ کَبِیْرمفتی احمد یار خانعَلَیْہِ رَحْمَۃُ الْحَنَّانفرماتے ہیں:”حضورِانور (صَلَّی اللہ تَعَالٰی عَلَیْہِ وَاٰلِہٖ وَسَلَّم)نے لعاب دو چیزوں میں ڈالا گوندھے ہوئے آٹے میں اور پکتی ہوئی گوشت کی ہانڈی میں۔اس سے معلوم ہوا کہ بزرگوں کا لعاب یا ان کے وضو وغیرہ کا غسالہ برکت کے لیے کھانا پینا بالکل جائز ہے بلکہ سنت سے ثابت ہے۔مومن کی طبیعت محبوب کی ہر چیز سے محبت کرتی ہے کسی چیز سے نفرت نہیں کرتی ان سب کا ماخذ یہ حدیث ہے۔یہ بھی معلوم ہوا کہ دعائیہ کلمات کے ساتھ دَم یا لُعاب ڈالنا بھی سنت ہے اس کا ماخذ بھی یہ ہی حدیث ہے۔ یہ ایک ہزار آدمی تین دن سے بھوکے تھے انہوں نے کھانا بھی خوب ہی کھایا ہوگا۔جن روایات میں چودہ سو آیا ہے وہاں مراد یہ ہے کہ ایک ہزار تو خندق کھودنے والے تھے اور چار سو وہ حضرات تھے جو بعد میں بچے کھچے رہے جو مدینہ منورہ کے گھروں، بازاروں وغیرہ میں تھے،مدینہ منورہ کے بچے عورتیں بھی اس دعوت میں شامل کرلی گئی تھیں۔غرضکہ کھانے والوں کے میلے لگ گئے تھے۔خوش نصیب تھے وہ لوگ جو اس برکت والے کھانے سے مشرف ہوئے۔مدینہ منورہ کے بازار میں ایک سبزی فروش اپنی سبزی پرپانی چھڑک رہا تھا اور کہہ رہا تھا: ”یَا بَرَکَۃَ النَّبِیِّ تَعَالِی وَانْزِ لِی ثُمَّ لَا تَرْتَحِلِیْ“اے نبی کی برکت آجا یہاں سماجا پھر یہاں سے نہ جا۔اَللّٰھُمَّ صَلِّ وَسَلِّم وَبَارِكْ عَلَیْہِ۔اس موقعہ پر حضورِ انور (صَلَّی اللہ تَعَالٰی عَلَیْہِ وَاٰلِہٖ وَسَلَّم)نے پہلے سب کو کھلایا بعد میں گھر والوں کے ساتھ مل کر خود کھایا اور حضور(صَلَّی اللہ تَعَالٰی عَلَیْہِ وَاٰلِہٖ وَسَلَّم) واپس لوٹے تو حضرت جابر کا گھر روٹیوں بوٹیوں سے بھرا ہوا تھاصَلَّی اللہ عَلَیْہِ وَسَلَّم۔ اس واقعہ میں حضورِ انور(صَلَّی اللہ تَعَالٰی عَلَیْہِ وَاٰلِہٖ وَسَلَّم) کے لعاب شریف کے بہت سے معجزات ہیں: بوٹیوں میں کثرت و برکت، شوربے کے پانی میں برکت،شوربے کے نمک مرچ مصالحہ گھی میں برکت و کثرت،آٹے میں برکت و کثرت،جس لکڑی سے یہ چیزیں پکائی گئیں اس میں برکت،روٹی پکانے والی کے ہاتھ میں قوت و طاقت ورنہ اتنی بڑی جماعت کی دعوت کے لیے کئی مَن گوشت لکڑیاں آٹا چاہیے بہت پکانے والے اور بہت تنور چاہئیں جیساکہ آج کل بیاہ شادیوں کی دعوتوں میں دیکھا جاتا ہے۔موسیٰعَلَیْہِ السَّلَامکے عصا سے پانی کے بارہ چشمے پتھر سے پھوٹے یہاں حضور (صَلَّی اللہ تَعَالٰی عَلَیْہِ وَاٰلِہٖ وَسَلَّم) کے لعاب سے ہانڈی سے بوٹیوں شوربے کے چشمے پھوٹے۔“مدنی گلدستہ’’احمد رضا‘‘کے7حروف کی نسبت سے حدیثِ مذکور اور اس کی وضاحت سے ملنے والے7مدنی پھول
(1) حضورصَلَّی اللہ تَعَالٰی عَلَیْہِ وَاٰلِہٖ وَسَلَّماور صحابہ کرامعَلَیْہِمُ الرِّضْوَاننے دنیا سے بے رغبتی اختیار کی اور دینِ اسلام کے لیے بہت صعوبتیں برداشت کیں ۔
(2) بھوک کی حالت میں پیٹ پر پتھر باندھنے سے کمزوری محسوس نہیں ہوتی اور کمر سیدھی رہتی ہے۔
(3) حضورنبی کریم رَءُوْفٌ رحیمصَلَّی اللہ تَعَالٰی عَلَیْہِ وَاٰلِہٖ وَسَلَّمبہت زیادہ طاقت ور تھے تین دن سے کچھ نہ کھایا تھااس کے باوجود وہ چٹان جس پر کُدال کام نہیں کرتا اُسے آپ نے ایک ہی ضرب میں ریزہ ریزہ کردیا۔
(4) بزرگوں کا لعاب یا ان کے وضو وغیرہ کا غسالہ برکت کے لیے کھانا پینا بالکل جائز ہے۔
(5) حضور کے معجزات میں سے ایک معجزہ یہ بھی ہے کہ آپ کے لعاب کی برکت سے تھوڑا کھانا بہت سے اَفراد کو کافی ہوجایا کرتا تھا۔
(6) سرکارصَلَّی اللہ تَعَالٰی عَلَیْہِ وَاٰلِہٖ وَسَلَّمعادۃً نہ کھاتے توبھوک کے آثار ظاہر ہوتے لیکن عبادۃً کچھ نہ کھاتے مثلاًروزے وغیرہ کی حالت میں تو خواہ کتنا ہی عرصہ نہ کھاتے مطلقًا ضعف نہ ہوتا تھا۔
(7) پہلے اپنے متعلقین کو کھلانا اوربعد میں خود کھانا یہ بلند ہمت لوگوں کا طریقہ ہے ۔اللہ عَزَّوَجَلَّسے دعا ہے کہ وہ ہمیں دِینِ اسلام کی خوب خوب خدمت کر نے کی توفیق عطافرمائے،ہمار ا خاتمہ ایمان پر فرمائے ۔آمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللہ تَعَالٰی عَلٰی مُحَمَّد