باب: بُھوک اور ترکِ خواہِشَات کی فضیلت کا بیان - فیضان ریاض الصالحین - حدیث نمبر: 512

اِسلام ہرچیز کی بنیاد ہے:عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللّٰہِ الْقَوِیفرماتے ہیں:” کامیابی کے لیے سب سے پہلی چیز اسلام ہےکیونکہ اسلام پر اَعمالِ صالحہ کی قبولیت کا دار و مدار ہےاور مسلمان ہونے سے کامل اِخلاص والا مسلمان ہونامراد ہے۔بقدرِ کفایت رِزق سے مراد یہ ہے کہ نہ ضرورت سے کم ہو نہ زیادہ۔ یہ حدیث اِس بات کی دلیل ہے کہ بقدرِ کفایت رِزق فَقر اورغنا دونوں سے افضل ہے۔بقدرِ کفایت رزق اور اس پر قناعت،اِن دو باتوں کو ایک ساتھ ذکرکرنے میں اِس طرف اِشارہ ہے کہ یہ چیزیں طبیعتِ انسانی پر دشوار ہیں، اِن کے حصول کے لئے بہت زیادہ جدوجہد کرنی پڑے گی کیونکہ انسان کی طبیعت کثرتِ مال کی طرف مائل ہوتی ہے سوائے اُن کے جنہیںاللہ عَزَّوَجَلَّمحفوظ رکھے اور ایسے لوگ بہت کم ہیں۔‘‘عَلَّامَہقُرْطُبِیْ عَلَیْہِ رَحْمَۃُ اللہ الْقَوِیفرماتے ہیں :”حدیث کا معنیٰ یہ ہے کہ جسے یہ نعمتیں عطا ہوئیں اُس نے اپنا مطلوب و مقصود پالیا اور وہ دارَین میں اپنی مرغوب چیز پانے میں کامیاب ہوگیا۔“چارنعمتیں:مُفَسِّرشہِیرمُحَدِّثِ کَبِیْرحَکِیْمُ الاُمَّت مُفتِی احمد یار خانعَلَیْہِ رَحْمَۃُ الْحَنَّاناس حدیث کی شرح کرتے ہوئےفرماتے ہیں:” یعنی جسے ایمان و تقویٰ، بقدرِ ضرورت مال اور تھوڑے مال پر صبر ،یہ چار نعمتیں مل گئیں اس پراللہکا بڑا ہی کرم و فضل ہوگیا،وہ کامیاب رہا اور دنیا سے کامیاب گیا۔“صَلُّوْا عَلَی الْحَبِیْب! صَلَّی اللہ تَعَالٰی عَلٰی مُحَمَّد