باب : صبر کا بیان - فیضان ریاض الصالحین - حدیث نمبر: 38

اس حدیث کے تحت مُفَسِّر شہِیرحَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں : معلوم ہوا کہ غلام آقا کی مزاج پُرسی بھی کرے ، خیال رہے کہ بخار مرضِ انبیا ہے، ہمارے نبیصَلَّی اللہ تَعَالٰی عَلَیْہِ وَاٰلِہٖ وَسَلَّمکی وفات بخار ہی سے ہوئی ۔
( کیا آپصَلَّی اللہ تَعَالٰی عَلَیْہِ وَاٰلِہٖ وَسَلَّم! کا یہ بخار آپ کے اجر میں اضافے کے لئے ہے؟) اس کے تحت مفتی صاحب مزید فرماتے ہیں : یہ ہے صحابۂ کِرامعَلَیْہم الرِّضْوَانکا ادب و احترام یعنییَا رَسُوْلَ اللہ! یہ تو وہم بھی نہیں کیاجاسکتا کہ آپ کی بیماری خطاؤں کی معافی کے لیے ہو آپ کو گناہ و خطا سے نسبت ہی کیا ، آپ کی بیماری صرف بلندیٔ درجات کے لیے ہوسکتی ہے ، اس سے معلوم ہوا کہ جن چیزوں سے ہم گنہگاروں کے گناہ معاف ہوتے ہیں ان سے نیک کاروں کے درجے بڑھتے ہیں۔ (حدیث ِمذکور میں )مسلمان سے مراد گنہگار مسلمان ہے۔ (مراٰۃ المناجیح، ۲ / ۴۱۰)
بخار ایک رحمت بھری بیماری ہے۔ چنانچہ، اس ضمن میں بخار کی فضیلت پر مشتمل 4 روایات ملاحظہ فرمائیے !(1)بخار گناہوں کو دور کر دیتا ہےحضرتِ سَیِّدُنا جابررَضِیَ اللہ تَعَالٰی عَنہُفرماتے ہیں :اللہ عزَّوَجَلَّکے مَحبوب، دانائے غُیوبصَلَّی اللہ تَعَالٰی عَلَیْہِ وَاٰلِہٖ وَسَلَّماُمّ سائبرَضِیَ اللہ تَعَالٰی عَنْھاکے پاس تشریف لائے تو اُن سے پوچھا:’’ تمہیں کیا ہوا؟ کیوں کانپ رہی ہو؟‘‘ عرض کی: مجھے بخار ہے،اللہ عزَّوَجَلَّاس میں برکت نہ دے !حضو ر صَلَّی اللہ تَعَالٰی عَلَیْہِ وَاٰلِہٖ وَسَلَّمنے فرمایا: ’’بخار کو برا نہ کہو کیونکہ یہ آدمی کے گناہوں کو اس طرح دور کردیتا ہے جس طرح بھٹی لوہے کے زنگ کو دور کردیتی ہے۔‘‘( مسلم، کتاب البروالصلۃ، باب ثواب المومن ، ص۱۳۹۲، حدیث: ۲۵۷۵)(2)صرف اچھائی باقی رہ جاتی ہےخَاتمُ الْمُرْسَلِین،رَحْمَۃٌ لِّلْعٰلَمِیْن صَلَّی اللہ تَعَالٰی عَلَیْہِ وَاٰلِہٖ وَسَلَّمنے فرمایا: ’’بندۂ مومن کو جب لُولگتی ہے یابخار ہوتاہے تو اس کی مثال اس لو ہے کی طر ح ہوتی ہے جسے آگ میں ڈالا گیا تو آگ نے اس کا زنگ دور کردیا اور اچھا ئی باقی رکھی۔‘‘(مستدرک،کتاب معرفۃ الصحابۃ، ذکر مناقب عبدالرحمن، ۴/۵۳۶، حدیث:۵۸۸۰)(3)ہر وقت نیکیاں ہی نیکیاںحضرتِ سَیِّدُنا اُبَی بِنْ کَعْبرَضِیَ اللہ تَعَالٰی عَنہُفرماتے ہیں :میں نے بارگاہِ رسالت میں عرض کی: ’’یَارَسُوْلَ اللہ صَلَّی اللہ تَعَالٰی عَلَیْہِ وَاٰلِہٖ وَسَلَّم!بخار کا ثواب کیا ہے ؟‘‘ ارشاد فرمایا: جب تک بخار میں مبتلاشخص کے قد م میں درد رہتا ہے اور اس کی رگ پھڑکتی رہتی ہے اسے اسکے عوض نیکیاں ملتی رہتی ہیں۔ یہ سن کرحضرتِ سَیِّدُنا اُبَی بِنْ کَعْبرَضِیَ اللہ تَعَالٰی عَنہُنے دعا کی :یا اللہ عزَّوَجَلَّ!میں تجھ سے ایسے بخار کا سوال کرتا ہوں جو مجھے تیری راہ میں جہاد کرنے، تیرے گھر اور تیرے نبیصَلَّی اللہ تَعَالٰی عَلَیْہِ وَاٰلِہٖ وَسَلَّمکی مسجد شریف کی طرف جانے سے نہ روکے۔ اس کے بعد حضرت ِ سَیِّدُنا اُبَی بِنْ کَعْبرَضِیَ اللہ تَعَالٰی عَنہُکو روزانہ شام کے وقت بخار ہوجایا کرتا تھا۔ (التر غیب والترھیب ،کتاب الجنائز ، باب التر غیب فی الصبر…الخ، ۴/۱۵۳، حدیث:۸۲)(4)پہاڑ کے برابر گناہ معاففرمانِ مصطفٰےصَلَّی اللہ تَعَالٰی عَلَیْہِ وَاٰلِہٖ وَسَلَّمہے :’’ جب کوئی مرد یاعورت مسلسل بخار یا سر درد میں مبتلا ہو اور اس پر اُحُد پہاڑ کی مثل گناہ ہوں توجب وہ بیماری اُس سے جدا ہوتی ہے تو اس کے سر پر رائی کے برابر بھی گناہ نہیں ہوتے۔‘‘(التر غیب والترھیب، کتاب الجنائز ، باب التر غیب فی الصبر…الخ، ۴/۱۵۱،حدیث:۶۷)مدنی گلدستہ’’صالحین‘‘ کے 6حروف کی نسبت سے حد یث ِ مذکوراور اُس کی وضاحت سے ملنے والے 6مدنی پھول(1) مومن کو پہنچنے والی چھوٹی سے چھوٹی مصیبت یا تکلیف بھی اس کے گناہوں کی معافی کا سبب بنتی ہے ۔
(2) تکلیف یا مرض کی وجہ سے مومن کے گناہ درخت کے پتوں کی طرح جھڑ جاتے ہیں۔
(3) بار گاہِ خداوندی میں جو جتنا زیادہ مُقَرَّب ہوتا ہے اس پر اتنے ہی زیادہ مصائب و آلام آتے ہیں۔سب سے زیادہ مصائب انبیائے کرامعَلَیْھِمُ السَّلَامپر اورپھر اُن کے بعد درجہ بدرجہ اولیائے کرامرَحِمَھُمُ اللہ السَّلَامپر آتے ہیں۔
(4) مصیبت پر صبر کرنے سے گناہوں میں کمی اورنیکیوں میں اضافہ ہوتا ہے ۔
(5)بخار باعثِ رحمت ہے کہ انبیائے کرامعَلَیْھِمُ السَّلَامکو بھی بخار ہواکرتا تھا ۔
(6)بخار کو بُرا کہنے سے منع کیا گیا ہے کیونکہ اس کے ذریعے گناہ جھڑتے اور نیکیاں بڑھتی ہیں۔صَلُّوْا عَلَی الْحَبِیْب صَلَّی اللہ تَعَالٰی عَلٰی مُحَمَّد