باب : ماہ رمضان میں قیام - مرآۃ المناجیح شرح مشکوٰۃ المصابیح - حدیث نمبر: 1305

۱∞؎اس طرح کہ فرشتے لوح محفوظ سے سال بھر کے ہونے والے واقعات اس رات صحیفوں میں نقل کردیتے ہیں اور ہر صحیفہ ان فرشتوں کے حوالے کرتے ہیں جن کے ذمہ یہ کام ہے۔چنانچہ مرنے والوں کی فہرست ملک الموت کو اور پیدا کرنے والوں کی فہرست بچہ بنانے والے فرشتے کو،رزقوں کی فہرست حضرت میکائیل کو دے دی جاتی ہے اسی لیئے اسے شب قدر کہتے ہیں یعنی اندازے کی رات۔اس سے معلوم ہوا کہ ان فرشتوں کو سال میں پیدا ہونے والے،مرنے والوں لوگوں کا اور گرنے والے بارش کے قطرات اور ملنے والی روزیوں کا پورا علم ہوتا ہے۔یہ علوم خمسہ ہیں جو ان فرشتوں کو دیئے گئے ہیں تو ہمارے حضور صلی الله علیہ وسلم کا کیا پوچھنا۔۲؎یعنی سال بھر کے اعمال جو روزانہ صحیفوں میں لکھے جاتے رہے وہ تمام مع ٹوٹل ایک جگہ لکھ کر رب تعالٰی کی بارگاہ میں پیش کیے جاتے ہیں اور اگلے سال میں جس کو جتنی روزی ملنے والی ہے،دانے،پھل،پانی کے قطرے،سانسیں وغیرہ سب کا ٹوٹل لگادیا جاتا ہے۔نزول سے مراد اس کا معین کرنا ہے۔(مرقاۃ)اس حدیث میں وہ لوگ غور کریں جو حضور صلی الله علیہ وسلم کے علم غیب کے انکاری ہیں۔لوح محفوظ کے فرشتوں کو ذرہ ذرہ کی خبر ہے۔۳؎خیال رہے کہ نیک اعمال جنت ملنے کا سبب ظاہری ہیں اور الله تعالٰی کی رحمت سبب حقیقی لہذا یہ حدیث اس آیت کے خلاف نہیں"تِلْ الْجَنَّۃُ الَّتِیۡۤ اُوۡرِثْتُمُوۡہَا بِمَا کُنۡتُمْ تَعْمَلُوۡنَ"بلکہ نیک اعمال کی توفیق اور ان کی قبولیت الله کی رحمت سے ہے،عمل تخم ہیں اور رب تعالٰی کا فضل بارش اور دھوپ۔۴؎حضورصلی الله علیہ وسلم کا سر پر ہاتھ رکھنا تواضع کے لیئے تھا۔اس میں فرمایا یہ گیا کہ جب میں سید الانبیاء ہونے کے باوجود الله کی رحمت سے بے نیاز نہیں پھر ان سے کون بے نیاز ہوسکتا ہے۔خیال رہے کہ حضور صلی الله علیہ وسلم نے یہ سب کچھ رب تعالٰی کے لحاظ سے فرمایا،امت کے لحاظ سے حضور صلی الله علیہ وسلم سب کی پناہ ہیں۔سب کو الله کی رحمت حضور صلی الله علیہ وسلم کے ذریعہ ملنی ہے۔حضورصلی الله علیہ وسلم ابر رحمت ہیں جس میں پانی رب کے حکم سے آتا ہے مگر تمام جہان کو پانی اس بادل سے ملتا ہے،اس بادل کے فیض سے سمندر میں موتی ہوتے ہیں اور خشکی میں دانے و پھل وغیرہ۔حضور صلی الله علیہ وسلم کے فیض سے صحابہ کے سینوں میں معرفت کے موتی پیدا ہوئے،عام مسلمانوں کے سینوں میں ایمان و تقویٰ۔