باب : قبروں کی زیارت کابیان - مرآۃ المناجیح شرح مشکوٰۃ المصابیح - حدیث نمبر: 1764

۱∞؎اس حدیث سےمعلوم ہوا کہ قبرستان میں جاکر پہلے سلام کرنا پھر یہ عرض کرنا سنت ہے،اس کے بعد اہلِ قبور کو ایصال ثواب کیا جائے۔اس سے معلوم ہوا کہ مردے باہر والوں کود یکھتے پہچانتے ہیں اور ان کا کلام سنتے ہیں ورنہ انہیں سلام جائز نہ ہوتا کیونکہ جو سنتا نہ ہو یا سلام کا جواب نہ دے سکتا ہو اسے سلام کرنا جائز نہیں،دیکھو سونے والے اور نماز پڑھنے والے کو سلام نہیں کرسکتے۔۲؎یہاِنْ شَاءَاللّٰهُیا تو برکت کے لیے یا ایمان پر موت کے لیے یعنی اگر رب نے چاہا تو ہمارا خاتمہ بھی ایمان پر ہوگا اور ہم تم سے ملیں گے،کفار کے پاس نہ جائیں گے ورنہ موت تو یقینًا آنی ہے وہاںاِنْ شَاءَاللّٰهُکہنے کی ضرورت نہیں۔۳؎عوام مسلمین کی قبروں پر بعد سلام یہ الفاظ کہے جائیں،اولیاء الله کے مزارات پر یوں عرض کرے"سَلٰمٌ عَلَیۡکُمۡ بِمَا کَسَبْتُمْ فَنِعْمَ عُقْبَی الدَّارِ"اور شہداء کے مزارات پر یوں عرض کرے "سَلٰمٌ عَلَیۡکُمۡ بِمَا صَبَرْتُمْ فَنِعْمَ عُقْبَی الدَّارِ"۔(عالمگیری)یہاںدیارسے مراد قبور ہیں کیونکہ قبریں میتوں کے گھر ہیں اور قبرستان ان کا شہر۔