باب : ظہور نبوت اور ابتداء وحی کا بیان - مرآۃ المناجیح شرح مشکوٰۃ المصابیح - حدیث نمبر: 5851

۱∞؎یہ دونوں حضرات تابعی ہیں،یحیی ابن کثیر بھی اور ابو سلمہ ابن عبدالرحمن بھی دونوں بڑے عالم فقیہ،عابد زاہد متقی تھے۔
۲؎دونوں روایتیں درست ہیں نبوت کی پہلی آیت"اِقْرَاۡ بِاسْمِ رَبِّكَ"ہےاور رسالت کی پہلی آیت"یٰۤاَیُّھَا الْمُدَّثِّرُ"ہے، آپ پڑھ چکے ہیں کہ"یٰۤاَیُّھَا الْمُدَّثِّرُ"وحی بند ہونے کے بعد اتری ہے۔(مرقات)یعنی تبلیغ انداز کی پہلی آیت"یٰۤاَیُّھَا الْمُدَّثِّرُ"ہے۔
۳؎یہاں اعتکاف سے وہ اعتکاف مراد ہے جو وحی بند ہوجانے کے زمانہ میں حضور انور نے غار حرا میں کیا تھا"اِقْرَاۡ بِاسْمِ رَبِّكَ"آیۃ آچکی تھی،اس کے بعد بھی حضور انور غار حرا میں جاتے وہاں عبادت کرتے رہے۔اس سے معلوم ہوا کہ وحی ایک ماہ تک بند رہی ہے۔(مرقات)وحی بند رہنے کی مدت میں جو گفتگو ہے وہ ہم پہلے عرض کرچکے ہیں۔حضور انور کا پہلا اعتکاف تو چھ ماہ کا تھا جو نزول وحی سے پہلے ہوا۔
۴؎یعنی یہ دوسرا اعتکاف ایک ماہ والا مراد ہے لہذا حدیث پر کوئی اشکال نہیں وہ پہلا اعتکاف چھ ماہ والا مراد نہیں۔خیال رہے کہ ان اعتکافوں میں حضور انور ساتویں آٹھویں دن اپنے گھر جناب خدیجۃ الکبریٰ کے پاس روٹی لینے تشریف لاتے تھے۔
۵؎یعنی آواز تھی مگر آواز والا کوئی نہ تھا۔
۶؎کیونکہ الله کے ذکر اس کی تجلی میں گرمی ہوتی ہے جو کبھی ٹھنڈے پانی سے کم ہوجاتی ہے۔بعض صوفیا کو دیکھا گیا ہے کہ وہ ٹھنڈے پانی میں نہر یا دریا میں کھڑے ہو کر ذکر الله کرتے ہیں یہ غلط نہیں ہے اس کی اصل یہ حدیث ہے۔
۷؎معلوم ہوا کہ طہارت و صفائی کا حکم پہلے آیا نماز کا حکم بعد میں،یہ بھی خیال رہے کہ نماز پنجگانہ معراج میں آئی یعنی شب معراج میں اور نماز تہجد پہلے آئی معراج سے پہلے حضورصلی اللہ علیہ وسلم پڑھا کرتے تھے،بیت المقدس میں حضرات انبیاءکرام کو یہ نماز تہجد کی پڑھائی ہوگی۔والله اعلم!یہاںصلوۃسے مراد مطلقًا نماز ہے کیونکہ سورۂ مدثر کے عرصہ کے بعد سورۂ مزمل آئی اور سورۂ مزمل سے نماز تہجد جاری ہوئی۔