باب:صلح کا بیان - مرآۃ المناجیح شرح مشکوٰۃ المصابیح - حدیث نمبر: 4048

۱∞؎امیمہتصغیر سے ہے،آپ امیمہ بنت عبداللہ ہیں،رقیقہ آپ کی والدہ کا نام ہے،رقیقہ حضرت خدیجۃ الکبریٰ ام المؤمنین کی بہن ہیں تو امیمہ حضرت ام المؤمنین خدیجہ کی بھانجی ہیں،آپ کی والدہ رقیقہ بنت خویلد ہیں۔
۲؎یعنی ہم نے بیعت میں اعمال صالح کرنے،گناہوں سے بچنے کا عہد کیا مگر یہ بھول گئے کہ بقدر طاقت کی قید لگالیتے تو حضور انور نے ہم کو خود یاد دلایا کہ یہ قید لگالو کہ بقدر طاقت نیکیاں کریں گے۔
۳؎یا تو زبان سے کہا یا دل میں سوچا،چونکہ حضور انور کا فرمان رب تعالٰی کا فرمان ہے۔اﷲ و رسولہفرمایاسبحان الله!اللہ رسول کی مہربانی ہم پر اتنی ہے کہ خود ہم کو اپنے پر اتنی مہربانی نہیں ان کا رحم و کرم ہمارے خیال سے وراء ہے۔
۳؎آپ سمجھیں کہ بغیر مصافحہ بیعت ہوتی ہی نہیں اس لیے عرض کیا حضور بیعت میں جواب عالی کا خلاصہ یہ ہے کہ عورتوں سے بیعت صرف کلام سے لی جاتی ہے اور ایک عورت سے بیعت سو عورتوں سے بیعت ایک ہی کلام شریف سے ہوجاتی ہے۔اس حدیث کو برک،ترمذی،نسائی،ابن ماجہ،موطا امام مالک نے بروایت محمد ابن منکدرنقل فرمایا مگر صاحب مشکوۃ کو یہ حوالے ملے نہیں اس لیے انہوں نےرواہفرماکر جگہ خالی چھوڑ دی۔ترمذی نے فرمایا یہ حدیث حسن صحیح ہے،اس کے راوی محمد ابن منکدر ہیں۔ (مرقات،اشعہ)