باب:غلہ روکنے کا بیان - مرآۃ المناجیح شرح مشکوٰۃ المصابیح - حدیث نمبر: 2896

۱∞؎چالیس دن کا ذکر حد بندی کے لیے نہیں تاکہ اس سے کم احتکار جائز ہو،بلکہ مقصد یہ ہے کہ جو احتکار کا عادی ہو جائے اس کی یہ سزا ہے۔چالیس دن کوئی کام کرنے سے عادت پڑ جاتی ہے اس لیے چالیس دن نماز باجماعت کی تکبیر اولٰی پانے کی بڑی فضیلت ہے کہ اتنی مدت میں وہ جماعت کا عادی ہوجائے گا۔
۲؎ہر جگہ احتکار میں یہ ہی قید ہے کہ غلہ کی گرانی کے لیے اس کا ذخیرہ کرنا ممنوع ہے وہ بھی جب کہ لوگ تنگی میں ہوں اور یہ بہت زیادہ گرانی کا انتظار کرے کہ خوب نفع سے بیچے۔
۳؎یہ فرمان عالی شان انتہائی غضب کا ہے جو بادشاہ کی حفاظت سے نکل جائے اس کا حال کیا ہوتا ہے جو چاہے اس کا مال لوٹ لے،جو چاہے اس کا خون کردے،جو چاہے اس کے زن و فرزند کو ہلاک کردے تو جو رب تعالٰی کی امان و عہد سے نکل گیا اس کی بدحالی کا اندازہ نہیں ہوسکتا لہذا یہ ایک جملہ ہزارہا عذابوں کا پتہ دے رہاہے۔رب تعالٰی محفوظ رکھے،یہ حدیث احمد و حاکم نے کچھ فرق کے ساتھ حضرت ابوہریرہ سے روایت فرمائی۔